Sjáðu drauma­mark Dorgu og öll hin í sigri United á Arsenal

Mörkin úr leiknum ásamt ummælum stjóra liðanna, þeirra Mikel Arteta og Michael Carrick, má sjá í spilaranum hér að neðan.

Arsenal komst yfir á 29. mínútu með sjálfsmarki Lisandro Martínez en Bryan Mbeumo nýtti skelfileg mistök Martins Zubimendi og jafnaði metin fyrir hálfleik. 

Snemma í seinni hálfleik skoraði Patrick Dorgu svo stórglæsilegt mark, utan teigs í þverslána og inn. Það tók sinn tíma að staðfesta markið þar sem að boltinn hafði farið í hönd Danans í aðdragandanum en markið fékk á endanum að standa. 

Mikel Merino náði að jafna metin fyrir Arsenal á 84. mínútu en varamaðurinn Matheus Cunha skoraði sigurmark United skömmu síðar.

Sigurinn fleytti United upp fyrir Liverpool og Chelsea, í 4. sæti með 38 stig eftir 23 leiki. Liðið er átta stigum á eftir Manchester City og Aston Villa en Arsenal er áfram á toppnum með 50 stig, með fjögurra stiga forskot.