Mbeumo stað­festur hjá fé­lagi drauma sinna

Hinn 25 ára gamli Mbeumo skoraði 20 mörk í ensku úrvalsdeildinni á síðustu leiktíð ásamt því að gefa átta stoðsendingar. Frá því að Brentford komst upp í ensku úrvalsdeildina hefur Mbeumo komið að 18 mörkum að meðaltali á ári.

„Um leið og ég vissi að það væri möguleiki á að vera ganga til liðs við Manchester United varð ég að stökkva á tækifærið að ganga til liðs við félag drauma minna,“ sagði Mbeumo við undirskriftina.

Mbeumo segir mikið verk fyrir höndum enda gekk Man United ekki vel á síðustu leiktíð. Hann er hins vegar spenntur að spila fyrir framan stuðningsfólk Man United á Leikhúsi draumanna, Old Trafford.

„Þetta er risastórt félag með ótrúlegan leikvang og magnað stuðningsfólk. Við erum ákveðnir í að berjast um alla titla sem eru í boði.“