Guardiola sýndi takta á ströndinni með leik­mönnum sínum

City hefur byrjað vel í heimsmeistarakeppni félagsliða í Bandaríkjunum, unnið tvo fyrstu leikina, skorað átta mörk og ekki enn fengið á sig mark.

Liðið er því búið að tryggja sig áfram í sextán liða úrslitin fyrir síðasta leik en mæta Juventus í lokaumferðinni í úrslitaleik um sigurinn í riðlinum.

City vann 6-0 sigur á Al Ain í öðrum leik sínum og Guardiola ákvað að taka endurheimtina niðri á strönd.

Guardiola var líka með sjálfur og sýndi takta þegar hann og leikmenn liðsins héldu boltanum á loti í tveggja snertinga leik.

Hér fyrir neðan má sjá hinn 54 ára Guardiola leika sér en kappinn heldur sér vel og er augljóslega enn með galdra tánum.