„Mögu­lega besti ten­gilt­vinn­bíl sem fram­leiddur hefur verið“

„Þessi Range Rover Sport PHEV p460e er mögulega besti tengiltvinnbíl sem framleiddur hefur verið,“ segir James Einar. „Það hefur loðað við tengiltvinnbíla að þeir draga ekki nægilega langt á rafhlöðunni einni saman. Fyrir einhverjum árum síðan nutu Mitsubishi Outlander PHEV mikilla vinsælda og drógu þeir um 20 km á rafhlöðunni. Í dag er tímarnir breyttir þar sem að bílar eins og BMW X5, Volvo XC90 og Mercedes Benz GLE draga allir á milli 80 – 100 km á rafhlöðunni.“

Þessi Range Rover Sport dregur hins vegar 122 km (uppgefið af framleiðanda) á rafhlöðunni einni saman. „Það er algjör leikbreytir þar sem það mun duga eigendum bílanna að keyra í vinnuna ca. þrisvar í viku án þess að þurfa að hafa áhyggjur af því að muna eftir að hlaða bílinn yfir hverja einustu nótt.“

Stærð rafhlöðunnar er svipuð þeirri sem er að finna í FIAT 500e. „Þetta er ekki frá sögufærandi nema fyrir þær sakir að FIAT-inn er 100% rafmagnsbíll á meðan að Range Rover Sport PHEV kúplar 31.8 kWh rafhlöðu við 3 lítra, sex sílindra vél og tveimur túrbínum sem gefur bílnum rétt tæplega 460 hestöfl og 660 NM af togi.“

Innréttingin og ökumannsrýmið eitt og sér réttlætir næstum verðmiðann á bílnum að sögn James. „Hún er einstaklega vel smíðuð og er mjög erfitt að finna eitthvað sem getur kallast „ódýrt plast“. Á bíl þáttastjórnanda var að finna ljósbrúna leðurinnréttingu sem smell passar við bílinn sjálfan sem virkar matt svartur að utan vegna satín filmu sem er búið að setja á bílinn. Leður lyktin í bílnum er líka einstaklega góð og minnir einn helst á hestavörubúð sem selur hnakka.“

Hvert smáatriði á innréttingunni er úthugsað og endurspeglast það best í afþreyingarkerfi bílsins. „Afþreyingarkerfi Range Rover bera af þegar kemur að útliti. Öll merki og tákn eru einstaklega vel hönnuð og er kerfið almennt vel upp sett og auðvelt að nota.“

Hvert smáatriði á innréttingunni er úthugsað og endurspeglast það best í afþreyingarkerfi bílsins.

Þegar kemur að daglegum notum bílsins þá er hann á svipuðum stað og þýska samkeppnin hvað varðar lúxus og þægindi. „Hins vegar er Range Rover Sport PHEV samt þremur skrefum framar þegar kemur að því að keyra bílinn utan vegar og í torfærum. Gírkassi bílsins kemur með lágu drifi og svo er bíllinn með tveimur læsanlegum mismuna drifum.“

Hægt er að horfa á þáttinn í heild sinn í spilaranum hér fyrir neðan:

Bíllinn er einnig búinn svokallaðri togstýringu sem gerir það að verkum að bíllinn sendir kraftinn í það dekk sem hefur mesta gripið. „Þetta getur komið sér einstaklega vel við illfærar aðstæður eins og í miklum snjó. Bíllinn kemur einnig á stillanlegri loftpúðafjöðrun sem gefur 274 mm. í hæstu veghæð.“

Fjöðrunarkerfið ber nafnið 6D Dynamic og er það helst til íbúðarmikil leið til segja frá því að hún sé virkilega góð. „Einnig getur bíllinn vaðið 82 cm sem er ansi magnað í ljósi þess bíllinn minnir einna helst á koníaksstofu á hjólum.“

Þó bíllinn sé jafn hæfur og Toyota Land Cruiser utan vegar þá mun hann sennilega finna sitt náttúrulega heimili í Borgartúninu segir James. „Þar verður honum ekið af lögfræðingum, bankastjórum og öðru framafólki í viðskiptalífinu. En það er allt í lagi þar sem að lögfræðingar, bankastjórar og viðskiptafræðingar þurfa líka að komast leiðar sinnar.“

Það er bílnum svo mjög í hag að hann kemur með 5 ára verksmiðju ábyrgð segir James að lokum. „Það gerir mikið við að lyfta orðspori vörumerkisins og ætti að heilla nýja kúnna ef það á að skipta út þýska bílnum sem líklega stendur í heimreiðinni.“