Líkur á stöku skúrum eða slydduéljum fram eftir degi

Atli Ísleifsson skrifar 8. maí 2024 07:11

Gera má ráð fyrir að hiti verði á bilinu fjögur til tíu stig yfir daginn. Vísir/Vilhelm

Háþrýstisvæði á Grænlandshafi og lægð fyrir norðan land beinir nú vestlægri átt til landsins og má reikna með að víða verði gola eða kaldi í dag. Léttskýjað verður á Suðausturlandi, en bjart með köflum annars staðar og líkur á stöku skúrum eða slydduéljum fram eftir degi.

Á vef Veðurstofunni segir að hiti verði á bilinu fjögur til tíu stig yfir daginn.

„Fremur hæg suðlæg eða breytileg átt á morgun og áfram bjart með köflum. Hlýnar lítillega. Annað kvöld snýst í hægt vaxandi suðaustanátt og það þykknar upp með dálítilli rigningu sunnan- og vestanlands.

Suðaustan 5-13 m/s á föstudag og rigning með köflum í flestum landshlutum, þó síst um landið norðaustanvert. Milt í veðri,“ segir í tilkynningunni.

Spákort fyrir klukkan 14 í dag.Veðurstofan

Veðurhorfur á landinu næstu daga

Á fimmtudag (uppstigningardagur): Suðlæg eða breytileg átt 3-10 m/s og bjart með köflum, en líkur á stöku skúrum norðvestantil. Hiti 5 til 11 stig yfir daginn. Gengur í austan 8-15 sunnantil um kvöldið og þykknar upp með dálítilli vætu.

Á föstudag: Suðaustan og austan 5-13 og rigning eða súld með köflum, einkum sunnanlands. Hiti 5 til 13 stig.

Á laugardag: Suðaustlæg eða breytileg átt 3-10 og dálítil rigning á víð og dreif. Hiti breytist lítið.

Á sunnudag: Norðlæg eða breytileg átt og rigning með köflum, en úrkomulítið undir kvöld. Hiti 4 til 11 stig yfir daginn.

Á mánudag og þriðjudag: Breytileg átt og dálitlar skúrir, en yfirleitt þurrt norðanlands. Hiti breytist lítið.

Veður

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið

Fleiri fréttir