Dramatísk víta­spyrna bjarg­vættur PSG

Kylian Mbappé tryggði París Saint-Germain stig gegn Newcastle United í Meistaradeild Evrópu með marki úr umdeildri vítaspyrnu í blálokin. Stigið þýðir að PSG er í góðri stöðu til að komast áfram í 16-liða úrslit Meistaradeildarinnar.

F-riðill er einn mest spennandi leikur riðlakeppninnar til þessa en öll fjögur liðin eiga góða möguleika á að koamst áfram í 16-liða úrslit. Alexander Isak var réttur maður á réttum stað um miðbik fyrri hálfleiks þegar Gianluigi Donnarumma varð skot Miguel Almirón út í teiginn og gestirnir frá Norður-Englandi voru óvænt yfir í hálfleik.

Í síðari hálfleik hentu heimamenn öllu sem þeir áttu í gestina en það virtist sem Newcastle myndi lifa af. PSG var með xG (vænt mörk) upp á 3.5 en boltinn vildi ekki inn. Það er þangað til vítaspyrna var dæmd í blálok leiksins eftir að boltinn fór í hönd leikmanns Newcastle.

Mbappé fór á punktinn og jafnaði metin af öryggi, lokatölur 1-1 og staðan í riðlinum gríðarlega spennandi fyrir lokaumferðina. 

Borussia Dortmund er á toppnum með 10 stig, PSG kemur þar á eftir með 7 stig, Newcastle United og AC Milan eru svo þar fyrir neðan með 5 stig.