Veður

Lægð veldur all­hvössum austan­vindi

Magnús Jochum Pálsson skrifar
Tveir drengir leika sér að vindinum við Hallgrímskirkju.
Tveir drengir leika sér að vindinum við Hallgrímskirkju. Vísir/Vilhelm

Lægð suður í hafi veldur allhvössum austanvindi allra syðst á landinu en það verður hægari vindur annars staðar. Skýjað að mestu en þokuloft við norður- og austurströndina, skúrir inn til landsins og rigning með köflum suðaustanlands.

Þetta segir í hugleiðingum veðurfræðings um veðurhorfur á landinu í dag á vef Veðurstofunnar.

Þá léttir til á Suðurlandi, Vesturlandi og jafnvel í innsveitum á Norðvesturlandi í nótt og verður bjartviðri þar á morgun. Fremur svalt á Austurlandi og á annesjum norðanlands, um fimm til tíu stig, en allt að átján stiga hiti suðvestanlands.

Á fimmtudag og föstudag verði ákveðnar austan- og norðaustanáttir en það lægi um helgina. Skýjað með köflum og úrkomulítið og áfram milt veður.

Veðurhorfur á landinu næstu daga

Á fimmtudag: Austan- og norðaustan 5-15 m/s, hvassast syðst. Skýjað með köflum, en lítils háttar væta á Norður- og Austurlandi. Hiti tíu til nítján stig, hlýjast sunnan- og vestanlands.

Á föstudag: Norðaustlæg átt, 3-10 m/s. Skýjað en úrkomulítið norðan- og austanlands en annars skýjað með köflum. Hiti átta til tuttugu stig, hlýjast sunnan- og vestanlands. Svalt á Vestfjörðum.

Á laugardag, sunnudag, mánudag og þriðjudag: Hæg, breytileg átt, skýjað með köflum og stöku skúrir. Hiti tíu til sautján stig að deginum.

Veður
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið