Djammið tekið sinn toll af Grealish: „Ég er að drepast úr sársauka“

City-menn hafa djammað stíft eftir að þeir tryggðu sér sigur í Meistaradeild Evrópu. Grealish hefur þar farið fremstur í flokki.

Í meistaraskrúðgöngu City á mánudagskvöldið viðurkenndi Grealish að hafa ekki sofið frá úrslitaleiknum í Meistaradeildinni á laugardaginn.

Djammið virðist hafa tekið sinn toll af Grealish eins og vænta mátti, allavega miðað við skilaboð sem hann sendi fyrrverandi fótboltamanninum Jimmy Bullard.

„Vá, ég er að drepast úr sársauka,“ skrifaði Grealish í skilaboðum til Bullards þegar hann bað hann um að vera viðmælandi í þætti á talkSPORT.

City-menn skemmtu sér fyrst í Istanbúl, þar sem úrslitaleikur Meistaradeildarinnar fór fram, svo á Ibiza og loks í Manchester. Grealish sást varla án áfengis og nokkrar myndir af honum eru þegar orðnar ódauðlegar.