Sólríkt sunnantil en él og frost norðan- og austanlands

Atli Ísleifsson skrifar 23. mars 2023 07:16

Spáin fyrir morgundaginn er svipuð og fyrir daginn í dag. Vísir/Vilhelm

Dregið hefur úr þeim hvassa vindi sem verið hefur viðloðandi síðustu daga. Þó hefur ekki lægt alveg, því í dag er útlit fyrir norðaustan kalda eða strekking á landinu. Taka má fram að stór hluti höfuðborgarsvæðisins er í skjóli í þessari vindátt.

Frá þessu segir á vef Veðurstofunnar en norðan og austanlands má búast við éljum og frosti í dag.

Sunnan heiða verður hins vegar sólríkt ef að líkum lætur og þar getur hitinn sums staðar skriðið rétt yfir frostmark yfir hádaginn.

Spáin fyrir morgundaginn er svipuð og fyrir daginn í dag.

Spákort fyrir klukkan 14 í dag.Veðurstofan

Veðurhorfur á landinu næstu daga

Á föstudag: Norðaustan 8-15 m/s og él, en bjartviðri sunnan heiða. Frost 2 til 8 stig.

Á laugardag: Norðaustan 5-13 m/s og léttskýjað, en dálítil él á Norður- og Austurlandi. Hiti breytist lítið.

Á sunnudag: Austlæg átt 3-10 og sums staðar dálítil él, en gengur í suðaustan 8-15 með snjókomu á Suður- og Vesturlandi. Frost 1 til 10 stig, kaldast norðaustanlands.

Á mánudag og þriðjudag: Austlæg átt og bjartviðri, en dálítil él við austur- og suðurströndina. Hiti svipaður.

Á miðvikudag: Stíf austanátt og snjókoma með köflum, en slydda eða rigning sunnanlands. Hlýnar heldur.

Veður

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.