Ólafur Kjartan söng í Royal Opera House: „Stór stund fyrir mig“ Dóra Júlía Agnarsdóttir skrifar 31. janúar 2023 15:30 Ólafur Kjartan Sigurðarson kom fram í Royal Opera House í Covent Garden á sunnudagskvöld í óperunni Tannhäuser. Clive Barda Ólafur Kjartan Sigurðarson segir ákveðinn draum hafa ræst þegar hann söng í verkinu Tannhäuser á stóra sviði Royal Opera House í Covent Garden, London síðastliðið sunnudagskvöld. Blaðamaður ræddi við hann um viðburðaríkt líf hans. Þrjár stórar sýningar á einni viku Það er nóg um að vera í lífi Ólafs Kjartans sem var að klára þrjár stórar sýningar á viku og er nú staddur í Köln fyrir næstu sýningu. Þar síðustu helgi var hann í Bergen, Noregi að sýna Parsifal eftir Wagner og stökk svo inn sem Hollendingurinn fljúgandi í Þýskalandi. Á miðvikudaginn í síðustu viku fékk hann svo símtal þar sem hann var beðinn að hlaupa í skarðið í Royal Opera House. „Eins og oft gerist í bransanum verða forföll. Kollegi sem átti að syngja þetta hlutverk í Tannhäuser veiktist, þeir höfðu samband á miðvikudaginn, ég flaug út á fimmtudaginn, söng lokaæfingu á fimmtudagskvöld og á frumsýningunni í fyrradag.“ Ólafur Kjartan Sigurðarson sem Alberich í Rheingold hjá óperunni í Gautaborg.Mats Bäcker Gríðarleg tækifæri Hann segir óljóst hvort hann verði meira í Tannhäuser en það er mikilvægt að halda sér á tánum í bransanum, þar sem allt getur gerst. „Þetta gerist mjög oft og má segja að sé leiðinda aukaverkun af Covid, þá voru náttúrulega margir kollegar sem veiktust. Það er kannski ekki viðeigandi að segja þetta í þessu samhengi en eins dauði getur verið annars brauð. Ég sjálfur veiktist í byrjun janúar og þurfti að forfallast á Rigoletto sýningu í Prag.“ Hann segist þó vera einn af þeim heppnu þar sem hann verður mjög sjaldan veikur og hefur sjaldan þurft að aflýsa. „En einhvern tíma segir skrokkurinn stopp og þá getur verið ansi dýrmætt að vera tilbúinn með eitthvað magn af hlutverkum sem maður kann. Þá getur maður stokkið inn og í þessu geta leynst gríðarleg tækifæri, eins og hjá mér í fyrradag.“ Ólafur Kjartan ásamt kollegum sínum á sviðinu í Covent Garden.Clive Barda Draumur allra söngvara Þetta var frumraun Ólafs Kjartans á sviðinu í Royal Opera House. „Það gekk glimrandi vel og var alveg óskaplega gaman. Kompaníið og kollegar tóku mér opnum örmum og þetta er gríðarlega spennandi vinnustaður að koma inn á. Það er draumur allra söngvara að syngja í þessum helstu húsum í heimi og þetta er eitt af aðalsviðunum. Þetta var stór stund fyrir mig og heimsklassa kollegar til hægri og vinstri. Í tveimur aðal kvenhlutverkunum voru tvær súperstjörnur sem ég hef verið með á Bayreuth hátíðinni í Þýskalandi þannig að við þekkjumst vel. Svo þarna voru margir kunningjar og vinir og þrátt fyrir að þetta væri frumraun hjá mér var þetta pínu eins og að koma heim. Mér leið afskaplega vel á þessu sviði og stefni á að þetta hafi ekki verið í síðasta skipti sem ég kem þar fram.“ Dagbókin er þétt til ársins 2025 hjá óperusöngvaranum Ólafi Kjartani Sigurðarsyni,Isolde Stein-Leibold Margt á döfinni Það er nóg fyrir stafni hjá Ólafi Kjartani sem segir dagbókina blessunarlega vera mjög þétta hjá sér til ársins 2025. Hann segir mikið lán að vera sjálfstætt starfandi og geta tekið að sér alls kyns verkefni. „Það sem tekur nú við er verkefni við Óperuna í Köln sem er Luisa Miller eftir Verdi. Svo eru sýningar í Prag og Wagnerhátíðin í Bayreuth en það lítur allt út fyrir að ég verði þar til ársins 2026. Svo liggur leiðin til Mílan í haust að sýna La Scala óperuna,“ segir Ólafur Kjartan að lokum. Menning Tónlist Bretland Mest lesið Steldu stílnum af konunum í forsetaframboði Tíska og hönnun Heitustu trendin fyrir sumarið 2024 Lífið Fyrsti takóstaðurinn sem fær Michelin-stjörnu Matur Krakkatían: Frambjóðendur, rapparar og ofurhetjur Lífið Af vængjum fram: „Ég ætla ekkert að fara að gráta hérna“ Lífið „Þetta voru flottustu tónleikar sem haldnir hafa verið á Íslandi“ Lífið „Blessunarlega ekkert stoppaður af foreldrum mínum“ Tíska og hönnun Fréttatía vikunnar: Forsetakosningar, sjóslys og mýflugnafaraldur Lífið Ásdís Rán býður forsetaefnum á rauða dregilinn Lífið Forseti Hæstaréttar og Kristján Loftsson í gámapartýi Lífið Fleiri fréttir Segir skásta staðinn í bænum í kirkjugarðinum Iceland Airwaves kynnir 22 ný bönd til leiks „Þægileg blanda af von og trega“ Kom fram sem stórstjarna „Drull sama hvað einhver apaköttur segir“ Laufey tók lagið hjá Jimmy Fallon „Svo hræðilega óyfirstíganlegt að ég þurfti að rífa plásturinn af“ „Þetta styrkti mig rosalega en þetta braut mig líka“ Gítarleikarinn Duane Eddy er látinn MANOWAR til Íslands í fyrsta sinn „Fer ekki á milli mála að ég er að syngja um stráka“ Fögnuðu íslenskri tónlist við fjöruga opnun Seldi upp á útgáfutónleika án útgáfu „Það má segja að þetta sé í raun sorg og uppgjör“ Kom öllum að óvörum með fleiri lögum í nótt Sest við flygilinn og setur íslenska tónlist í nýjan búning Biðst afsökunar á brösuglegum Coachella-flutningi „Eina sem maður getur virkilega bætt í lífinu er maður sjálfur“ „Ég hef aldrei fylgt reglunum“ Uppselt í þriðja sinn á augabragði Íslandsvinurinn Yung Lean setur stefnuna á risatónleika í Hörpu Inga Sæland með sumarsmell í vasanum Fullur tilhlökkunar fyrir nýjum kafla Nick Cave til Íslands Emelíana Lillý úr FNV vann Söngkeppni framhaldsskólanna Tók símtalið á pabba fyrir Herbert Sjá meira
Þrjár stórar sýningar á einni viku Það er nóg um að vera í lífi Ólafs Kjartans sem var að klára þrjár stórar sýningar á viku og er nú staddur í Köln fyrir næstu sýningu. Þar síðustu helgi var hann í Bergen, Noregi að sýna Parsifal eftir Wagner og stökk svo inn sem Hollendingurinn fljúgandi í Þýskalandi. Á miðvikudaginn í síðustu viku fékk hann svo símtal þar sem hann var beðinn að hlaupa í skarðið í Royal Opera House. „Eins og oft gerist í bransanum verða forföll. Kollegi sem átti að syngja þetta hlutverk í Tannhäuser veiktist, þeir höfðu samband á miðvikudaginn, ég flaug út á fimmtudaginn, söng lokaæfingu á fimmtudagskvöld og á frumsýningunni í fyrradag.“ Ólafur Kjartan Sigurðarson sem Alberich í Rheingold hjá óperunni í Gautaborg.Mats Bäcker Gríðarleg tækifæri Hann segir óljóst hvort hann verði meira í Tannhäuser en það er mikilvægt að halda sér á tánum í bransanum, þar sem allt getur gerst. „Þetta gerist mjög oft og má segja að sé leiðinda aukaverkun af Covid, þá voru náttúrulega margir kollegar sem veiktust. Það er kannski ekki viðeigandi að segja þetta í þessu samhengi en eins dauði getur verið annars brauð. Ég sjálfur veiktist í byrjun janúar og þurfti að forfallast á Rigoletto sýningu í Prag.“ Hann segist þó vera einn af þeim heppnu þar sem hann verður mjög sjaldan veikur og hefur sjaldan þurft að aflýsa. „En einhvern tíma segir skrokkurinn stopp og þá getur verið ansi dýrmætt að vera tilbúinn með eitthvað magn af hlutverkum sem maður kann. Þá getur maður stokkið inn og í þessu geta leynst gríðarleg tækifæri, eins og hjá mér í fyrradag.“ Ólafur Kjartan ásamt kollegum sínum á sviðinu í Covent Garden.Clive Barda Draumur allra söngvara Þetta var frumraun Ólafs Kjartans á sviðinu í Royal Opera House. „Það gekk glimrandi vel og var alveg óskaplega gaman. Kompaníið og kollegar tóku mér opnum örmum og þetta er gríðarlega spennandi vinnustaður að koma inn á. Það er draumur allra söngvara að syngja í þessum helstu húsum í heimi og þetta er eitt af aðalsviðunum. Þetta var stór stund fyrir mig og heimsklassa kollegar til hægri og vinstri. Í tveimur aðal kvenhlutverkunum voru tvær súperstjörnur sem ég hef verið með á Bayreuth hátíðinni í Þýskalandi þannig að við þekkjumst vel. Svo þarna voru margir kunningjar og vinir og þrátt fyrir að þetta væri frumraun hjá mér var þetta pínu eins og að koma heim. Mér leið afskaplega vel á þessu sviði og stefni á að þetta hafi ekki verið í síðasta skipti sem ég kem þar fram.“ Dagbókin er þétt til ársins 2025 hjá óperusöngvaranum Ólafi Kjartani Sigurðarsyni,Isolde Stein-Leibold Margt á döfinni Það er nóg fyrir stafni hjá Ólafi Kjartani sem segir dagbókina blessunarlega vera mjög þétta hjá sér til ársins 2025. Hann segir mikið lán að vera sjálfstætt starfandi og geta tekið að sér alls kyns verkefni. „Það sem tekur nú við er verkefni við Óperuna í Köln sem er Luisa Miller eftir Verdi. Svo eru sýningar í Prag og Wagnerhátíðin í Bayreuth en það lítur allt út fyrir að ég verði þar til ársins 2026. Svo liggur leiðin til Mílan í haust að sýna La Scala óperuna,“ segir Ólafur Kjartan að lokum.
Menning Tónlist Bretland Mest lesið Steldu stílnum af konunum í forsetaframboði Tíska og hönnun Heitustu trendin fyrir sumarið 2024 Lífið Fyrsti takóstaðurinn sem fær Michelin-stjörnu Matur Krakkatían: Frambjóðendur, rapparar og ofurhetjur Lífið Af vængjum fram: „Ég ætla ekkert að fara að gráta hérna“ Lífið „Þetta voru flottustu tónleikar sem haldnir hafa verið á Íslandi“ Lífið „Blessunarlega ekkert stoppaður af foreldrum mínum“ Tíska og hönnun Fréttatía vikunnar: Forsetakosningar, sjóslys og mýflugnafaraldur Lífið Ásdís Rán býður forsetaefnum á rauða dregilinn Lífið Forseti Hæstaréttar og Kristján Loftsson í gámapartýi Lífið Fleiri fréttir Segir skásta staðinn í bænum í kirkjugarðinum Iceland Airwaves kynnir 22 ný bönd til leiks „Þægileg blanda af von og trega“ Kom fram sem stórstjarna „Drull sama hvað einhver apaköttur segir“ Laufey tók lagið hjá Jimmy Fallon „Svo hræðilega óyfirstíganlegt að ég þurfti að rífa plásturinn af“ „Þetta styrkti mig rosalega en þetta braut mig líka“ Gítarleikarinn Duane Eddy er látinn MANOWAR til Íslands í fyrsta sinn „Fer ekki á milli mála að ég er að syngja um stráka“ Fögnuðu íslenskri tónlist við fjöruga opnun Seldi upp á útgáfutónleika án útgáfu „Það má segja að þetta sé í raun sorg og uppgjör“ Kom öllum að óvörum með fleiri lögum í nótt Sest við flygilinn og setur íslenska tónlist í nýjan búning Biðst afsökunar á brösuglegum Coachella-flutningi „Eina sem maður getur virkilega bætt í lífinu er maður sjálfur“ „Ég hef aldrei fylgt reglunum“ Uppselt í þriðja sinn á augabragði Íslandsvinurinn Yung Lean setur stefnuna á risatónleika í Hörpu Inga Sæland með sumarsmell í vasanum Fullur tilhlökkunar fyrir nýjum kafla Nick Cave til Íslands Emelíana Lillý úr FNV vann Söngkeppni framhaldsskólanna Tók símtalið á pabba fyrir Herbert Sjá meira