Lífið

Fimm ráð fyrir góða andlega- og líkamlega heilsu í jólaösinni

Elísabet Hanna skrifar
Þjálfarinn Gullý deilir ráðum með lesendum Vísis.
Þjálfarinn Gullý deilir ráðum með lesendum Vísis. Aðsend

Þjálfarinn Guðlaug Ýr Þórsdóttir fór í örlagaríkan pilates tíma þegar hún var tvítug en eftir hann varð hún hugfangin að hreyfingunni og þjálfar í dag aðrar konur. Hún deilir fimm ráðum með lesendum Vísis til að viðhalda góðri andlegri- og líkamlegri heilsu í jólaösinni.

Gullý, líkt og hún er oftast kölluð er lærður pilates-, barre- og meðgöngu þjálfari. Hún byrja að læra á sama tíma og hún var í fæðingarorlofi með eldra barnið sitt. Þá bjó hún í London ásamt eiginmanni sínum Eiríki Ársælssyni sem starfaði þar.

Meðgönguþjálfun á ekki að auka álag

Í dag er Gullý að kenna í Núna Collective stúdíóinu úti á Granda og býður einnig upp á æfingar á netinu. „Þegar ég var sjálf í orlofi fannst mér erfitt að finna tíma fyrir æfingu sem hentaði mér og barninu mínu. Það var erfitt að fylgja fyrirfram settum tíma sem stangaðist kannski á við lúrinn hjá barninu mínu,“ segir Gullý.

Hún segir það hafa verið erfitt að reyna að tímasetja rútínuna hjá barninu í kringum æfingarnar svo ekki sé minnst á hversu ólíkt dagsformið getur verið hjá ungbörnum og foreldrum þeirra. „Ég myndi alltaf velja góðan svefn hjá mér eða barninu fram yfir æfingu.“

Gerlegt að taka æfingu

„Sumir eru kannski að fara af stað klukkutíma áður en æfingin byrjar og labba um til þess að svæfa barnið til þess að geta tekið æfinguna, það er svo mikið stúss og skipulag sem að fylgir því að drösla barni á milli staða,“ segir hún.

„Það var líka ástæðan fyrir því að mér finnst svo mikilvægt að vera með mömmu tíma sem eru á netinu. Þá er hægt að taka æfinguna hvenær sem er yfir daginn sem það passar. Æfingarnar eru líka bara hálftími svo það er jafnvel líka hægt að ná því að borða og fá sér kaffibolla á meðan barnið tekur lúr.“

Fimm góð ráð

Gullý hefur tekið saman fimm góð ráð til þess að viðhalda góðri andlegri- og líkamlegri heilsu í jólaösinni og deilir þeim með lesendum Vísis hér að neðan. Ráðin ættu að geta nýst flestum. 

  1. Góð morgunrútína.

    Kertaljós, góður morgunverður og kaffibolli til að taka smá tíma fyrir þig í myrkrinu áður en þú heldur út í daginn.
  2. Skipulag fyrir hverja viku.

    Forðastu óþarfa stress með góðu skipulagi fyrir vikuna sem heldur utan um viðburði, to-do lista og hreyfingu.
  3. Stutt hreyfing er betri en engin hreyfing.

    Tuttugu til þrjátíu mínútna hreyfing getur aukið orkuna þína og aukið hamingju.
  4. Hreyfing sem hvetur þig áfram.

    Skráðu þig á námskeið sem heldur þér við efnið eða fylgdu æfingaplani sem hvetur þig áfram til hreyfingar. Eitthvað sem er ekki yfirþyrmandi og hentar þinni dagskrá í desember.
  5. Góð næring fyrir líkamann.

    Leyfðu þér að borða góðan mat og súkkulaði og njóttu þess! Hugsaðu um að næra líkamann vel með hollu mataræði og borða það sem lætur þér og líkamanum þínum líða vel.




Tengdar fréttir

Mikilvægar æfingar fyrir göngugarpinn frá Önnu Eiríks

Þjálfarinn Anna Eiríksdóttir nýtur þess að styrkja líkamann með góðri hreyfingu og deilir mikilvægum æfingum fyrir göngugarpa hér á Vísi. Hún skrifar um ýmislegt sem viðkemur heilsu og hollu mataræði á Lífinu og við gefum henni orðið:

Hlaupaáætlum frá Önnu Eiríks: Hlaupum inn í sumarið!

Þjálfarinn Anna Eiríksdóttir segir sumarið upplagðan tíma til þess að stunda hreyfingu úti og deilir níu vikna hlaupaáætlun með lesendum Vísis. Hún skrifar um ýmislegt sem viðkemur heilsu og hollu mataræði á Lífinu og við gefum henni orðið:






Fleiri fréttir

Sjá meira


×