Veður

Veðrið með ró­legasta móti

Atli Ísleifsson skrifar
Hiti á landinu verður á bilinu tvö til sjö stig.
Hiti á landinu verður á bilinu tvö til sjö stig. Vísir/Vilhelm

Veður er með rólegasta móti á landinu um þessar mundir. Veðurstofan segir norðlæga eða breytilega átt í vændum og vindur víðast hvar hægur. Það blæs aðeins með austurströndinni, fimm til tíu metrar á sekúndu á þeim slóðum.

Í hugleiðingum veðurfræðings á vef Veðurstofunnar segir að það verði léttskýjað og fallegt veður sunnan heiða. Skýjað verði að mestu norðan- og austanlnands og smávegis væta á Austurlandi og með norðurströndinni. Hiti verður á bilinu tvö til sjö stig.

„Á morgun er spáð vestlægri átt, 3-8 m/s víðast hvar. Þá er útlit fyrir að ský muni að mestu hylja himinn á vesturhelmingi landsins og búast má við smáskúrum þar, einkum fyrripart dags. Á austanverðu landinu léttir til og þar verður því sólríkast á morgun.

Það er síðan tíðindalítið í kortunum áfram, spár gera heilt yfir ráð fyrir rólegu veðri út vikuna.“

Spákortið fyrir klukkan 14.Veðurstofan

Veðurhorfur á landinu næstu daga

Á föstudag: Vestlæg eða breytileg átt 3-8 m/s. Léttskýjað um landið austanvert, en skýjað með köflum vestantil og smáskúrir á stöku stað. Hiti 1 til 6 stig, en kringum frostmark á Norðausturlandi.

Á laugardag: Sunnan 5-10, skýjað og dálítil væta við suður- og vesturströndina, en bjartviðri norðaustanlands. Hiti breytist lítið.

Á sunnudag og mánudag: Austlæg átt og dálítil rigning, en þurrt að mestu um landið norðan- og vestanvert. Hiti 2 til 7 stig.

Á þriðjudag og miðvikudag: Breytileg átt, rigning með köflum og hiti 2 til 7 stig.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.