Á vef Veðurstofunnar segir að hiti verði um frostmark á norðanverðu landinu, en tvö til sjö stig sunnantil.

„Það hvessir í kvöld og nótt og svo verður hvöss norðanátt á laugardag og sunnudag með 13-20 m/s, hvassast á Vestfjörðum og síðar líka á Suðausturlandi.

Rigning eða slydda nærri sjávarmáli á norðurhelmingi landsins, en snjókoma á heiðum og má því búast við erfiðum akstursskilyrðum og jafnvel vetrarfærð þar. Þurrt að kalla sunnanlands. Hiti 1 til 7 stig, mildast við suðurströndina.

Það dregur hægt úr vindi og úrkomu seint á sunnudag.

Svo fylgir nokkrir rólegir dagar eftir helgi með yfirleitt bjartviðri og fremur hægum vindum.“

Veðurhorfur á landinu næstu daga

Á laugardag: Gengur í norðan 13-20 m/s, hvassast norðvestan- og suðaustantil. Rigning eða slydda nærri sjávarmáli á norðurhelmingi landsins, en snjókoma á heiðum. Þurrt að kalla sunnanlands. Hiti 1 til 7 stig, mildast við suðurströndina.

Á sunnudag: Norðan 10-18. Slydda eða snjókoma norðanlands, rigning með austurströndinni, en úrkomulítið sunnan heiða. Fer að draga úr vindi og úrkomu seinnipartinn. Hiti 0 til 5 stig, kaldast í innsveitum fyrir norðan.

Á mánudag: Norðlæg eða breytileg átt 3-8 og yfirleitt skýjað norðantil en bjart með köflum sunnanlands. Hiti í kringum frostmark fyrir norðan, en allt að 6 stigum syðst yfir daginn.

Á þriðjudag: Suðvestanátt og bjart en skýjað vestast. Hiti 2 til 7 stig yfir daginn.

Á miðvikudag: Suðlæg eða breytileg átt og skýjað á vestanverðu landinu, en bjart austantil. Hiti 2 til 7 stig en í kringum frostmark á Norðausturlandi.

Á fimmtudag: Útlit fyrir suðaustlæga átt með rigningu sunnan- og vestanlands en léttskýjað norðaustantil. Hiti breytist lítið.