Tónlist

SSSÓL æfir í beinni útsendingu á Vísi

Sylvía Rut Sigfúsdóttir og Elísabet Hanna skrifa
Helgi Björns er tilbúinn að fara alla leið og hljómsveitin ætlar að rifja upp gömlu góðu taktana.
Helgi Björns er tilbúinn að fara alla leið og hljómsveitin ætlar að rifja upp gömlu góðu taktana. Aðsend.

Hljómsveitin SSSÓL heldur afmælistónleika í Háskólabíó á laugardaginn eftir viku. Það er uppselt á seinni tónleikana og miðasala í fullum gangi fyrir fyrri tónleika kvöldsins.

„Þetta er bara geggjað sko,“ segir Helgi Björns í samtali við Vísi. Hann segir meðlimi hljómsveitarinnar vera í óða önn að dusta rykið af gömlu góðu danssporunum. Hann segir þá einnig mætta fyrir framan spegilinn að athuga hvort fótahreyfingarnar virki enn. Helgi segir sérstaka stemningu myndast þegar allir upprunalegu meðlimir hljómsveitarinnar spila saman.

Það verða allir léttir á laugardaginn.Aðsend.

„Þegar SSSól mætti á böll, eða hvert sem er, þá gerðum við allt vitlaust og við ætlum að sjá hvort það sé ekki hægt að gera það enn þá,“ segir Helgi um þrjátíu og fimm ára afmælistónleika hljómsveitarinnar.

Til að hita upp fyrir stórveisluna ætlar hljómsveitin SSSÓL að hleypa lesendum inn á æfingu í beinni útsendingu hér á Vísi og á sjónvarpsstöðinni Stöð 2 Vísi.  Helgi, Jakob, Eyjó, Hrafn, Ingó og Stebbi munu þar taka nokkur vel valin lög frá æfingu fyrir viðburðinn sjálfan.

„Það besta við þessa tónleika er að þú þarft ekki frí í vinnunni - Þetta gigg kemur bara til þín þar sem þú ert.“
Klippa: Opin æfing hjá SSSól í Stúdíó Sýrlandi
Tónlist Tónleikar á Íslandi Bylgjan

Tengdar fréttir

„Kveikir á streyminu, færð Helga inn í tjaldið, allir í stuði“

Þó að stór hluti þjóðarinnar þeysist nú landshlutanna á milli eru alltaf einhverjir sem ákveða að vera heima og taka því rólega yfir verslunarmannahelgina. Sá hópur er þó langt frá því að vera dæmdur til að sitja auðum höndum og láta sér leiðast.

Gamalt SSSól lag í nýjum búningi

Nú á dögunum sendu þau Eva Björnsdóttir söngkona og Ingvar Valgeirsson gítarleikari frá sér lagið Ef ég væri Guð. Lagið er gamalt SSSól-lag og er nýja útsetningin talsvert frábrugðin þeirri gömlu. 

Verslunarmanna Helgi

Helgi Björnsson ætlar að rifja upp streymistaktana á laugardagskvöldið kemur og verður með landsmönnum í beinni frá Tjörninni á tónleikunum: „Verslunarmanna Helgi“.



Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.