Veður

Gular viðvaranir í nótt og á morgun

Árni Sæberg skrifar
Búast má við mikilli rigningu víða um land í nótt og á morgun.
Búast má við mikilli rigningu víða um land í nótt og á morgun. Vísir/Vilhelm

Gul viðvörun vegna rigningar á Austfjörðum tók gildi klukkan ellefu í kvöld og gildir til klukkan tíu í fyrramálið. Þá hafa gular viðvaranir verið gefnar út fyrir Vestfirði og Strandir og Norðurland vestra sem taka gildi á morgun.

Búast má við vexti í ám og lækjum á Austfjörðum í nótt. Auknar líkur verða á skriðuföllum og grjóthruni.

Á morgun má búast við því sama á Vestfjörðum þar sem gul viðvörun vegna talsverðrar eða mikillar rigninar tekur gildi klukkan 15 og gildir til klukkan 08 á miðvikudag. Á Ströndum og Norðurlandi vestra mun sama viðvörun vera í gildi milli klukkan 16 á morgun og klukkan 18 á miðvikudag.

Þá er búist við allhvassri norðanátt (13-18 m/s) með rigningu nærri sjávarmáli á Vestfjörðum. Slyddu eða snjókomu á fjallvegum þar sem búast má við erfiðum akstursskilyrðum. Gul viðvörun verður í gildi milli klukkan 20 á morgun og klukkan 10 á miðvikudag.

Á Ströndum og Norðurlandi vestra er spáð Norðvestan 10-18 m/s með rigningu nærri sjávarmáli. Slyddu eða snjókomu á fjallvegum þar sem búast má við erfiðum akstursskilyrðum og á það til dæmis við um Öxnadalsheiði og Holtavörðuheiði, að því er segir á vef Veðurstofunnar.

Gul viðvörun verður í gildi þar milli klukkan 22 á morgun og klukkan 23:59 á miðvikudag.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.