Veður

Þykknar upp og smá skúrir á víð og dreif síð­degis

Atli Ísleifsson skrifar
Hiti á landinu verður á bilinu fimm til fimmtán stig.
Hiti á landinu verður á bilinu fimm til fimmtán stig. Vísir/Vilhelm

Veðurstofan spáir að fremur hæg, vestlæg og suðvestlæg átt muni leika um landið og að smám saman muni þykkna upp og verða smá skúrir á víð og dreif síðdegis. Þó má reikna með bjartviðri á Suðausturlandi.

Á vef Veðurstofunnar segir að hiti verði á bilinu fimm til fimmtán stig, hlýjast á Suðausturlandi.

„Hæg austlæg átt og úrkomulítið á morgun, en vaxandi suðaustanátt og fer að rigna sunnan- og vestanlands seinnipartinn sunnudags. Suðaustanátt og víða rigning á mánudag, en lengst af þurrt á Norðausturlandi. Milt veður að deginum.“

Spákort fyrir klukkan 14.Veðurstofan

Veðurhorfur á landinu næstu daga

Á laugardag: Austlæg átt, 3-10 m/s, skýjað að mestu, en smá skúrir sunnantil. Hiti 4 til 12 stig, mildast suðvestanlands.

Á sunnudag: Suðaustan 8-13 m/s og lítilsháttar væta sunnan- og vestantil, en hvessir heldur og bætir í úrkomum um kvöldið. Hægara og þurrt að kalla í öðrum landshlutum. Hiti 8 til 14 stig.

Á mánudag: Suðaustan 8-15 m/s og rigning, en heldur hægara og þurrt norðan- og austanlands til kvölds. Hiti 9 til 15 stig.

Á þriðjudag og miðvikudag: Suðlæg átt og rigning með köflum, einkum um landið sunnan- og vestanvert. Áfram milt veður.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×