Enski boltinn

Koma Auri­er þýðir að For­est hefur sótt tvö byrjunar­lið af nýjum leik­mönnum í sumar

Runólfur Trausti Þórhallsson skrifar
Serge Aurier mun leika í ensku úrvalsdeildinni á nýjan leik.
Serge Aurier mun leika í ensku úrvalsdeildinni á nýjan leik. Jose Breton/Getty Images

Það hefur verið mikið rætt og ritað um Nottingham Forest undanfarnar vikur en félagið komst loks upp í ensku úrvalsdeildina eftir meira en tveggja áratuga fjarveru. Til að auka möguleika sína á að halda sæti sínu hefur félagið sótt hvern leikmanninn á fætur öðrum, 22 alls. Það eru tvö heil byrjunarlið.

Fyrir skemmstu greindi Vísir frá því að Forest hafi sótt alls 21 leikmann í sumar og sett þar með nýtt met í ensku úrvalsdeildinni. Aldrei hefur lið fengið jafn marga leikmenn á einum og sama deginum.

Í fréttinni kemur einnig fram að Forest hafi verið að reyna fá framherjann Michy Batshuayi frá Chelsea á lokadegi félagaskiptagluggans. Allt kom fyrir ekki og Batshuayi fór þangað sem leikmenn sem eitt sinn gátu eitthvað fara þegar þeir eru komnir yfir hæðina, til Tyrklands.

Þegar félagaskiptaglugginn lokaði var ljóst að Forest gæti aðeins samið við leikmenn sem væru þá þegar án félags. Sem er nákvæmlega það sem Steve Cooper, þjálfari liðsins, gerði. Fyrst honum tókst ekki að fá framherja frá Chelsea þá ákvað Cooper að Serge Aurier væri rétt maðurinn til að fullkomna sumarglugga Forest.

Það verður þó að teljast harla ólíklegt að Aurier raði inn mörkum í vetur en hann hefur allan sinn feril spilað sem hægri bak- eða vængbakvörður. Hann er aðeins 29 ára gamall og hefur spilað fyrir lið á borð við París Saint-Germain, Tottenham Hotspur og Villareal.

Aurier er 22. leikmaðurinn sem gengur í raðir Forest í sumar og tæknilega séð gæti félagið stillt upp tveimur byrjunarliðum með nýjum leikmönnum. Hér að neðan má sjá alla leikmennina sem Forest hefur samið frá því síðustu leiktíð lauk.

  • Ryan Hammond frá Millwall
  • Taiwo Awoniyi frá Union Berlin
  • Dean Henderson frá Manchester United (á láni)
  • Giulian Biancone frá Troyes
  • Joel Thompson frá Crusaders
  • Moussa Niakhaté frá Mainz 05
  • Omar Richards frá Bayern München
  • Neco Williams frá Liverpool
  • Wayne Hennessey frá Burnley (á frjálsri sölu)
  • Brandon Aguilera frá Alajuelense
  • Harry Toffolo frá Huddersfield Town
  • Lewis O'Brien frá Huddersfield Town
  • Jesse Lingard frá Manchester United (á frjálsri sölu)
  • Orel Mangala frá Stuttgart
  • Emmanuel Dennis frá Watford
  • Chiekhou Kouyaté frá Crystal Palace
  • Remo Freuler frá Atalanta
  • Morgan Gibbs-White frá Wolves
  • Hwang Ui-jo frá Bordeaux
  • Renan Lodi frá Atlético Madrid (á láni)
  • Willy Boly frá Wolves
  • Josh Bowler frá Blackpool
  • Loïc Badé frá Rennes (á láni)
  • Serge Aurier frá Villareal (á frjálsri sölu)



Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.