Tónlist

Árný Margrét frumsýnir tónlistarmyndband: Myrkur og vel valin augnablik

Dóra Júlía Agnarsdóttir skrifar
Tónlist Árnýjar Margrétar hefur vakið athygli út fyrir landsteina.
Tónlist Árnýjar Margrétar hefur vakið athygli út fyrir landsteina. Anna Maggý

Rísandi stjarnan Árný Margrét frumsýnir tónlistarmyndband við lagið The world is between us hér á Lífinu á Vísi. Myndbandinu er leikstýrt af Erlendi Sveinssyni en það er tekið á 16 millimetra filmu og eyddi tökuhópurinn fimm dögum fyrir vestan á Ísafirði, heimabæ Árnýjar, að skjóta það.

Hér má sjá myndbandið:

Árný Margrét er alin upp á Ísafirði skrifaði undir samning við útgáfufyrirtækið One Little Independent Records og hefur spilað á tónlistarhátíðum út fyrir landsteinana á borð við Newport Folk Festival ásamt því að hafa hitað upp fyrir tónlistarmennina Passenger, Leif Vollebekk, Blake Mills og fleiri. Blaðamaður tók púlsinn á henni og fékk að fá smá innsýn í hennar skapandi hugarheim.

Hvaðan sækir þú innblástur í tónlistinni?

Ég sæki innblástur í allt sem er í kringum mig, veðrið, umhverfið, fólk sem ég þekki og þekki ekki, lög og tónlistarmenn. 

Stundum heyri ég bara eitthvað fallegt orð sem ég vil nota.

Hvernig gekk að taka upp þetta tónlistarmyndband og hvað stendur upp úr í ferlinu?

Þetta var ótrúlega skemmtilegt ferli, Icelandair hafði samband við okkur og voru mjög spennt yfir þessu verkefni. Þau voru tilbúin í nánast hvað sem er, maður fann fyrir viljanum og hvað þau voru til í að gera þetta vel, sem ég er ótrúlega þakklát fyrir. Við Erlendur Sveinsson leikstjóri unnum svo hugmyndina svolítið saman og úr varð þetta myndband.

Það sem stendur upp úr fyrir mig er allt tökuferlið og dagarnir fyrir vestan. Við keyrðum vestur í samfloti því fluginu var aflýst. 

Hittumst í myrkrinu á morgnana og kláruðum í myrkrinu á kvöldin. Mikill snjór og ótrúlega kalt. En það gekk allt ótrúlega vel og við unnum mjög vel saman sem hópur.

Líka öðruvísi að fá að taka upp myndband á filmu, maður velur augnablikin betur, það er einhver fegurð í því.

Allt tökuferlið stendur upp úr hjá Árnýju Margréti.Anna Maggý

Hvað er á döfinni?

Ég er að fara gefa út LP plötuna They only talk about the weather núna í október. 

Annars eru einhverjar tónleikaferðir á plani, Iceland Airwaves og svo bara að taka upp næstu plötu.

Tengdar fréttir

Frumflutningur á Vísi: Úrvalslið íslensks tónlistarfólks flytur Dýrð í dauðaþögn

Tónlistarmaðurinn Ásgeir gaf út plötuna Dýrð í dauðaþögn fyrir tíu árum síðan og markaði það ákveðið upphaf af hans velgengni í heimi tónlistarinnar. Úrvalslið íslensks tónlistarfólks hefur nú gert eigin útgáfur af lögum plötunnar í nýrri endurútgáfu. Platan, sem ber nafnið Stór agnarögn, kemur út á helstu streymisveitur í næstu viku en er frumflutt hér á Vísi í dag. 

„Mér finnst gott að fjalla um veðrið“

Fyrir stuttu kom út lagið Cold Aired Breeze en lagið er fyrsta smáskífan af frumraun Árnýjar Margrétar í fullri lengd, plötunni They Only Talk About the Weather, sem kemur út á vegum One Little Independent þann 21. október nk.

Magnaður flutningur Árnýjar Margrétar í Hall­gríms­kirkju

Árný Margrét Sævarsdóttir er ung sveitastelpa sem hefur skapað sér nafn sem tónlistarkona á afar skömmum tíma. Hún hafði verið að semja tónlist inn í herberginu sínu á Ísafirði þegar hún komst í samband við tónlistarmanninn Högna Egilsson og boltinn fór að rúlla.






Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.