Sólríkur dagur framundan

Ólafur Björn Sverrisson skrifar 27. ágúst 2022 08:25

Um að gera að nýta sér góða veðrið og rölta um miðbæinn. vísir/vilhelm

Það er sólríkur dagur í kortunum í dag víðs vegar um landið. Sennilega er um að ræða einn af síðustu sumardögum ársins, ef marka má veðurspá næstu vikuna.

Í dag verður hæg breytileg átt í dag og víða þurrt og bjart veður en líkur á þokubökkum við norðurströndina. Hiti 9 til 17 stig yfir daginn, hlýjast á Vesturlandi.

Suðaustan 5-10 vestantil á morgun, skýjað og sums staðar dálítil væta. Annars hæg breytileg átt og áfram bjart veður. Hiti 11 til 16 stig yfir daginn. Nánar má kyna sér veður á vef Veðurstofunnar.

Horfur næstu daga

Á mánudag:

Suðaustan 8-15 m/s og súld eða rigning með köflum, hvassast við suðvesturströndina, en hægara og bjartviðri á norðanverðu landinu. Hiti 12 til 20 stig, hlýjast fyrir norðan.

Á þriðjudag:

Sunnan- og suðaustan 8-15 m/s og rigning, hvassast úti við sjóinn, en bjartviðri noraðaustanlands. Áfram hlýtt í veðri.

Á miðvikudag:

Stífar suðlægar áttir og vætusamt, en þurrt að kalla á Austurlandi. Hiti 8 til 16 stig, hlýjast fyrir austan.

Á fimmtudag:

Sunnankaldi og rigning með köflum, en hægara og úrkomulítið vestantil. Hiti 8 til 18 stig, hlýjast norðaustanlands.

Veður

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.