Tónlist

Sumarlegt og seiðandi hjá Calvin Harris

Dóra Júlía Agnarsdóttir skrifar
Calvin Harris er með lag á Íslenska listanum.
Calvin Harris er með lag á Íslenska listanum. Instagram @calvinharris

Plötusnúðurinn og tónlistarmaðurinn Calvin Harris skipar áttunda sæti Íslenska listans í þessari viku með hið seiðandi lag Potion þar sem söngkonan Dua Lipa og rapparinn Young Thug leika listir sínar við silkimjúka sumar tóna. Lagið hækkar sig um ellefu sæti á milli vikna.

Potion er að finna á nýútgefinni plötu Harris sem nefnist Funk Wav Bounces Vol. 2 en fyrra bindi kom út árið 2017. Þetta er fyrsta platan sem hann gefur út í rúm fimm ár og jafnframt sjötta plata sem hann sendir frá sér.

Úrvals hópur tónlistarfólks úr ólíkum áttum syngur inn á nýja plötu Harris og ásamt Dua Lipa og Young Thug má sem dæmi nefna Busta Rhymes, Charlie Puth, Justin Timberlake, Normani, Pharrell Williams og fleiri stór nöfn úr tónlistarheiminum. Má gera ráð fyrir að eitthvað af lögum plötunnar rati inn á Íslenska listann á næstunni og jafnvel að stórsmellur leynist meðal laganna.

Beyoncé situr svo á toppi Íslenska listans í þessari viku með lagið Break My Soul og hækkar sig um eitt sæti frá því í síðustu viku. Plata Beyoncé, Renaissance, hefur vakið mikla athygli og lagið Break My Soul hefur hækkað sig hægt og rólega upp listann á síðastliðnum vikum. Harry Styles skipar annað sæti með nýjasta smellinn sinn Late Night Talking en lagið átti stutt stopp á toppnum í eina viku áður en Beyoncé steypti Styles af stóli.

Íslenski listinn er fluttur alla laugardaga frá klukkan 14:00-16:00 á FM957.

Íslenski listinn í heild sinni:

Íslenski listinn á Spotify:


Tengdar fréttir

Endurreisn Beyoncé færir hana nær toppnum

Beyoncé situr í öðru sæti íslenska listans þessa vikuna með nýjasta smellinn sinn Break My Soul. Lagið er að finna á nýútgefnu plötunni RENAISSANCE og hækkar sig um sex sæti á milli vikna.

Klara í fyrsta sæti íslenska listans

Söngkonan Klara Elias situr í fyrsta sæti íslenska listans þessa vikuna með Þjóðhátíðarlagið Eyjanótt. Lagið kom út 7. júní síðastliðinn og hefur óðfluga hækkað sig upp listann að undanförnu.

Lizzo í fyrsta sæti: „Kominn tími til“

Söngkonan Lizzo trónir á toppi íslenska listans um þessar mundir með nýjasta lagið sitt About Damn Time. Lagið, sem hefur náð miklum vinsældum um allan heim, hefur hækkað sig upp listann á undanförnum vikum.






Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.