Sjáðu Norðurálsmótið á Akranesi: Gleðin við völd er stjörnur framtíðarinnar stigu sín fyrstu skref

Hjörtur Leó Guðjónsson skrifar 25. júní 2022 12:00

norduralsmotid_2022_(1) — skjáskot/bjarni einarsson

Það var nóg um að vera á Akranesi þegar Norðurálsmótið fór þar fram á dögunum, þar sem strákar í 7. flokki léku listir sínar. Þeir sýndu einnig tilþrif utan vallar og voru laufléttir í bragði í samtölum sínum við Guðjón Guðmundsson, Gaupa, sem gerði mótinu góð skil í þætti á Stöð 2 Sport.

Norðurálsmótið fór fram dagana 17.-19. júní á Akranesi. Þáttinn í heild má nú sjá hér á Vísi en hann er hluti árlegri þáttaröð Stöðvar 2 Sport um sumarmótin í fótbolta.

Klippa: Sumarmótin 2022 - Norðurálsmótið

Gaupi ræddi meðal annars við hressa stráka úr ÍBV, ÍR, Gróttu, Þrótti, Selfossi og heimamenn í ÍA.

Í lok þáttar fylgdist Gaupi svo með leik ÍA og Þróttar þar sem liðin léku af mikilli snilld og nokkur gullfalleg mörk litu dagsins ljós. Eftir leik mættu leikmenn liðanna svo í viðtöl eins og atvinnumönnum sæmir og greindu leikinn í þaula.

Ekki er leikið til úrslita á mótinu, en allir keppendur fá viðurkenningu fyrir þátttökuna og augljóst var að gleðin var við völd.

Íþróttir barna Fótbolti Akranes

Tengdar fréttir

Sjáðu TM-mótið í Eyjum: Pöntuðu ís og útlandaferð eftir frábæran úrslitaleik

Það var nóg um að vera í Vestmannaeyjum þegar TM-mótið fór þar fram á dögunum, þar sem stelpur í 5. flokki léku listir sínar. Þær sýndu einnig tilþrif utan vallar og voru laufléttar í bragði í samtölum sínum við Svövu Kristínu Gretarsdóttur sem gerði mótinu góð skil í þætti á Stöð 2 Sport.

20. júní 2022 12:30

Sjáðu fyrsta þátt Sumarmótanna: „Unnum alla leikina en töpuðum bara einum“

Gleðin var við völd í Fossvoginum á Cheerios-mótinu í fótbolta á dögunum þar sem Gaupi var á meðal gesta og heilsaði upp á unga iðkendur og kunna foreldra.

13. maí 2022 10:00