Innlent

Talinn hafa verið ölvaður þegar hann velti bíl

Kjartan Kjartansson skrifar
Mennirnir voru fluttir af slysstað á bráðadeild til aðhlynningar en verða svo báðir handteknir.
Mennirnir voru fluttir af slysstað á bráðadeild til aðhlynningar en verða svo báðir handteknir. Vísir/Vilhelm

Ökumaður og farþegi voru fluttir á bráðamóttöku eftir að bíll þeirra valt á Hringbraut á öðrum tímanum í nótt. Sá sem ók bílnum er grunaður um ölvun við akstur.

Í dagbók lögreglunnar á höfuðborgarsvæðinu kemur fram að bæði ökumaður og farþegi verði handteknir og vistaðir í fangageymslu þegar þeir hafa fengið aðhlynningu á bráðadeild.

Flytja þurfti bílinn af vettvangi og kalla til starfsfólk Orkuveitunnar vegna tjóns sem varð á ljósastaur við bílveltuna.

Á mynd sem fréttastofu var send af vettvangi virðist slysið hafa átt sér stað rétt vestan við mislæg gatnamót við Hringbraut og Bústaðarveg.

Samgönguslys Lögreglumál Reykjavík
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið