Veður

Hiti að fimm­tán stigum og hlýjast suð­austan­til

Atli Ísleifsson skrifar
Víða verður norðan kaldi eða strekkingur síðdegis og dregur úr vætu.
Víða verður norðan kaldi eða strekkingur síðdegis og dregur úr vætu. Vísir/Vilhelm

Veðurstofan spáir vestan átta til fimmtán metrum á sekúndu í dag, skúrum á sunnanverðu landinu. Það snýst svo í norðlæga átt norðantil með rigningu.

Á vef Veðurstofunnar segir að hiti verði á bilinu sex til fimmtán stigum og hlýjast á Suðausturlandi. Víða verður norðan kaldi eða strekkingur síðdegis og dregur úr vætu.

„Norðaustan og norðan 10-15 m/s vestantil á landinu á morgun, en yfirleitt hægari vindur í öðrum landshlutum. Skýjað með köflum og víða skúrir, en þurrt að kalla á Vesturlandi. Hiti 5 til 12 stig. Annað kvöld má svo búast við rigningu eða súld norðanlands,“ segir í hugleiðingum veðurfræðings.

Spákortið fyrir klukkan 14.Veðurstofan

Veðurhorfur á landinu næstu daga

Á fimmtudag: Norðan og norðaustan 8-15 m/s, en hægari vindur um landið austanvert. Skýjað á landinu og víða skúrir, en þurrt að kalla á Vesturlandi. Hiti 5 til 11 stig.

Á föstudag: Norðan 5-13 með dálítilli rigningu á norðurhelmingi landsins. Skýjað með köflum á sunnanverðu landinu og stöku skúrir syðst. Hiti frá 4 stigum fyrir norðan, upp í 12 stig á Suðurlandi.

Á laugardag og sunnudag: Norðlæg átt 3-8, en 8-13 með austurströndinni. Skýjað með köflum og stöku skúrir á Norður- og Austurlandi, en yfirleitt bjart sunnan heiða. Hiti 5 til 15 stig, hlýjast á Suðurlandi.

Á mánudag og þriðjudag: Norðlæg átt með dálítilli vætu austanlands, en þurrt á vesturhelmingi landsins. Hiti breytist lítið.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×