All­víða síð­degis­skúrir og hiti að sau­tján stigum

Frá þessu segir á vef Veðurstofunnar. Þar segir að hiti verði á bilinu tíu til sautján stig þar sem líklega verður hlýjast austur á Héraði.

„Það er útlit fyrir svipað veður á morgun, en á fimmtudag nálgast lægð úr suðri og þá hvessir væntanlega við suðurströndina og fer að rigna þar seint um kvöldið,“ segir í hugleiðingum veðurfræðings.

Veðurhorfur á landinu næstu daga

Á miðvikudag: Austlæg eða breytileg átt 3-8 m/s, en austan 8-13 syðst. Allvíða skúrir, einkum eftir hádegi, en sums staðar þokuloft við norðurströndina. Hiti yfirleitt 10 til 15 stig að deginum.

Á fimmtudag: Vaxandi austlæg átt, 5-13 m/s seinnipartinn, en 13-18 við suðurströndina. Skýjað en úrkomulítið, hiti 8 til 16 stig.

Á föstudag: Norðaustan og austan 8-13, en allhvass vindur á Suðausturlandi fram eftir degi. Bjart með köflum vestanlands, rigning suðaustantil og dálítil væta um tíma í öðrum landshlutum. Hiti 8 til 17 stig, hlýjast á Vesturlandi.

Á laugardag: Norðlæg átt og dálítil rigning með köflum norðan- og austanlands. Bjart veður um landið suðvestanvert, en stöku skúrir síðdegis. Hiti 7 til 17 stig, svalast við norðausturströndina en hlýjast suðvestanlands.

Á sunnudag (sjómannadagurinn): Norðlæg átt, skýjað og dálítil rigning norðaustanlands, en bjart með köflum sunnanlands. Hiti 6 til 16 stig, hlýjast sunnan heiða.

Á mánudag: Útlit fyrir sunnanátt með rigningu vestantil á landinu.