Enski boltinn

Ten Hag vill halda Ron­aldo hjá Man Utd

Runólfur Trausti Þórhallsson skrifar
Erik vill halda Cristiano Ronaldo hjá Man United.
Erik vill halda Cristiano Ronaldo hjá Man United. Octavio Passos/Getty Images

Erik ten Hag, nýráðinn þjálfari Manchester United, vill halda portúgalska framherjanum Cristiano Ronaldo í röðum félagsins.

„Auðvitað vil ég halda Cristiano hjá Man United. Hann hefur verið þessu félagi mjög mikilvægur,“ sagði Ten Hag við hollenska blaðamanninn Mike Verweij

Mikið hefur verið rætt og ritað um framtíð hins 37 ára gamla Ronaldo sem hefur þrátt fyrir háan aldur verið einn af fáum ljósum punktum á hörmulegri leiktíð Man Utd.

Ten Hag flaug til Englands í dag og hefur þegar hafið undirbúning fyrir næstu leiktíð. Það er ljóst að það verða gríðarlega breytingar á leikmannahópi liðsins sem og starfsliði en Ronaldo ætti að vera á sínum stað.

„Ronaldo er risastór vegna alls þess sem hann hefur sýnt á ferli sínum og hversu metnaðarfullur hann er,“ sagði Ten Hag einnig.

Ronaldo hefur skorað 24 mörk í 39 leikjum á leiktíðinni.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.