Veður

Vaxandi norð­austur­átt og hvassast syðst

Atli Ísleifsson skrifar
Hiti verður á bilinu null til átta stig að deginum.
Hiti verður á bilinu null til átta stig að deginum. Vísir/Vilhelm

Hægfara skil eru nú skammt suður af landinu og fylgir þeim vaxandi norðaustanátt, tíu til átján metrar á sekúndu í dag þar sem hvassast verður syðst á landinu, en hægari vindur um landið austanvert.

Í hugleiðingum veðurfræðings á vef Veðurstofunnar kemur fram að það verði dálítil rigning eða snjókoma við suðurströndina og stöku él norðanlands, en yfirleitt þurrt á Vesturlandi.

Hiti verður á bilinu null til átta stig að deginum. mildast suðvestanlands, en norðaustantil ætti hitinn að haldast undir frostmarki nema rétt yfir hádaginn.“

„Austan og norðaustan 5-13 m/s á morgun, en áfram allhvasst syðst. Skýjað á austanverðu landinu og stöku él, en víða þurrt og bjart vestantil.“

Spákortið fyrir klukkan 14.Veðurstofan

Veðurhorfur á landinu næstu daga

Á þriðjudag: Austan og norðaustan 5-13 m/s, en 13-18 syðst. Skýjað á austanverðu landinu og stöku él, en víða þurrt og bjart vestantil. Hiti 0 til 8 stig, en vægt frost norðaustanlands. Kaldara að næturlagi.

Á miðvikudag: Austan 10-18 og lítilsháttar væta með suðurströndinni. Hægari vindur annars staðar og víða bjartviðri, en skýjað á Austurlandi. Hlýnar heldur.

Á fimmtudag: Suðaustan 10-18 og rigning eða súld, en úrkomulítið norðaustanlands. Hiti 5 til 12 stig.

Á föstudag, laugardag og sunnudag: Suðlæg átt og súld eða dálítil rigning með köflum, en lengst af þurrt á norðanverðu landinu. Fremur milt í veðri.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.