Sport

Lyfti fimmfaldri líkamsþyngd sinni og setti heimsmet

Óskar Ófeigur Jónsson skrifar
Chloe Brennan var sátt með umskeru helgarinnar.
Chloe Brennan var sátt með umskeru helgarinnar. Instagram/@chloebrennanx

Chloe Brennan er kannski ekki mikil um sig en hún er hraustari en flestir. Það sýndi hún og sannaði á The Arnold Strongman Classic 2022 um helgina.

Brennan setti nýtt heimsmet með því lyfta hinum frægu Dinnie steinum sem vega 332 kíló.

Þar sem Chloe er sjálf bara 64 kíló á þyngd þá náði hún þarna að lyfta fimmfaldri líkamsþyngd sinni.

„Þvílík helgi. Heimsmet í opnum flokki og annað sætið á Arnold mótinu. Einu sinni var það aðeins draumur minn að fá að keppa á mótinu hans Arnolds. Með því að komast á verðlaunapallinn og setja heimsmet þá er ég svo sannarlega í sjöunda himni,“ skrifaði Chloe Brennan á Instagram síðu sína.

Hún sagði líka frá því að afrek hennar hafi vakið það mikla athygli að Instagram síða hennar fór á mikið flug.

Hér fyrir neðan má sjá Chloe setja þetta heimsmet.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.