Veður

Suð­vestan­átt, frost og víða él

Atli Ísleifsson skrifar
Reykjavikurhöfn í birtingu. Frost á landinu verður á bilinu núll til tíu stig yfir daginn.
Reykjavikurhöfn í birtingu. Frost á landinu verður á bilinu núll til tíu stig yfir daginn. Vísir/Vilhelm

Veðurstofan gerir ráð fyrir að það verði suðvestanátt í dag, þrír til tíu metrar á sekúndu, og víða él en úrkomulítið norðaustantil. Frost verður á bilinu núll til tíu stig yfir daginn.

Á vef Veðurstofunnar segir að það gangi í norðanátt, tíu til átján metrar á sekúndu á morgun, og áfram snjókoma eða él en þurrt að kalla á suðvestanverðu landinu. Þá dregur heldur úr frosti.

„Það verður ákveðin norðvestanátt á föstudag með éljum fyrir norðan en austan en bjart að mestu sunnan- og vestanlands. Frost 0 til 7 stig.“

Spákortið fyrir klukkan 15.Veðurstofan

Veðurhorfur á landinu næstu daga

Á fimmtudag: Gengur í norðan 10-18 m/s með snjókomu eða éljum, en þurrt að kalla á suðvestanverðu landinu. Frost 3 til 9 stig.

Á föstudag: Norðvestan 8-15, hvassast með norður- austurströndinni. Léttskýjað sunnan heiða, en él á Norður- og Austurlandi. Hægari vindur og styttir upp um kvöldið. Áfram kalt í veðri.

Á laugardag: Breytileg átt og snjókoma með köflum eða él í flestum landshlutum. Frost 3 til 10 stig.

Á sunnudag: Norðlæg eða breytileg átt og snjókoma með köflum en yfirleitt þurrt sunnan heiða. Hiti breytist lítið.

Á mánudag: Líkur á austan stormi með snjókomu, slyddu eða rigningu og hita kringum frostmark.

Á þriðjudag: Útlit fyrir breytilega átt með stöku éljum en þurrt norðaustantil. Frost um allt land.

Veður
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið