Veður

Hvass­viðri eða súld vestan­til fyrri partinn

Atli Ísleifsson skrifar
Það verður suðaustan hvassviðri á vestanverðu landinu.
Það verður suðaustan hvassviðri á vestanverðu landinu. Vísir/Vilhelm

Veðurstofan spáir suðaustan hvassviðri og rigningu eða súld á vestanverðu landinu fyrri part dags. Heldur hægari vindur og þurrt á Norðaustur- og Austurlandi.

Í hugleiðingum veðurfræðings á vef Veðurstofunnar segir að eftir hádegi snúist í sunnan og suðvestan tíu til átján metrum á sekúndu og dragi úr vætu.

„Það verður milt í veðri, hiti yfirleitt á bilinu 4 til 10 stig, hlýjast í hnjúkaþey norðan- og austanlands.

Minnkandi suðlæg átt á morgun, víða gola eða kaldi eftir hádegi. Súld eða dálítil rigning með köflum sunnantil á landinu, en það verður þurrt að kalla á norðanverðu landinu fram á kvöld. Kólnar heldur.“

Spákortið fyrir klukkan 15.Veðurstofan

Veðurhorfur á landinu næstu daga

Á föstudag: Minnkandi suðlæg átt, víða 5-10 m/s eftir hádegi. Rigning eða súld með köflum, en þurrt að kalla á N-verðu landinu fram undir kvöld. Hiti 2 til 8 stig.

Á laugardag: Suðaustlæg eða breytileg átt 3-10 og dálítil rigning eða súld með köflum, en styttir upp N- og A-lands eftir hádegi. Hiti 0 til 8 stig, mildast S-til.

Á sunnudag: Suðaustan og sunnan 5-13 og súld eða dálítil rigning, en þurrt á N- og A-landi. Hiti breytist lítið.

Á mánudag: Hæg breytileg átt og dálítil væta á víð og dreif. Hiti 1 til 6 stig, en heldur svalara inn til landsins.

Á þriðjudag (vetrarsólstöður) og miðvikudag: Austan- og norðaustanátt og dálítil él SA- og A-lands, en þurrt um landið V-vert. Kólnandi veður.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.