Kringumstæður andlátsins voru mjög sérstakar enda karlinn að upplifa gleðistund þegar áfallið kom.
Það var mikil dramatík á lokasekúndum leiks liðsins hans á dögunum og spennan var oft mikil fyrir hinn 53 ára gamla El-Selhadar.
Adham El-Selhadar (técnico del equipo egipcio El Magd ) ha muerto a los 53 años tras sufrir un ataque al corazón mientras celebraba el triunfo de su equipo en el tiempo de descuento.
— La cara B del futbol (@lacarabdeporte) December 5, 2021
D.E.P pic.twitter.com/ToCqYGdA2u
Hann fékk hjartaáfall þegar lið hans skoraði sigurmarkið í uppbótartíma leiksins. Markið kom á 92. mínútu.
Fljótlega áttuðu menn sig á því að ekki var allt með felldu og var kallað á sjúkrabíl sem kom inn á völlinn. Hann flutti þjálfarann á sjúkrahús en það tókst hins vegar ekki að bjarga lífi hans.
El-Selhadar var að þjálfa þetta b-deildarlið núna en hann á sér sigursæla sögu í egypskum fótbolta sem leikmaður og hafði bæði unnið deild og bikar með liði Ismaily.
El Magd liðið er í sjöunda sæti í deildinni og hefur náð í fjórtán stig úr níu leikjum.
Hér fyrir neðan má sjá markið og fögnuðinn.
— Wael Al-Emam (@wael_alemam) December 2, 2021
