Bubbi og Megas: „Ég gekk burt á sínum tíma“ Samúel Karl Ólason skrifar 27. nóvember 2021 17:00 Bubbi Morthens og Megas. Vísir Bubbi Morthens, tónlistarmaður og skáld, segist hafa sagt skilið við Megas árið 1994. Á árum áður gáfu þeir út nokkur lög saman og þar á meðal lagið „Fatlafól“ og plötuna Bláir draumar en vangaveltur og sögusagnir um vinslit Bubba og Megasar hafa lengi verið á kreiki. Bergþóra Einarsdóttir hefur sakað Megas og annan mann um að hafa brotið á sér kynferðislega árið 2004 og skrifað lagið „Litla ljót“ um brotið. Það gerði hún í viðtali við Stundina. Í samtali við Vísi sagði hún að kominn væri tími til að Megas væri opinberaður. Í tísti sem hann birti við annað tíst um Megas og gerendameðvirkni í gær sagði Bubbi: „Ekki telja mig með gekk burt 1994.“ Svo í umræðum í Facebookfærslu Ingibjargar Kjartansdóttur, sem tók viðtalið við Bergþóru um ásökunina gegn Megasi, sagðist Bubbi trúa Bergþóru. Hann sagði einnig: „Ég gekk burt á sínum tíma og við hjónin og litum ekki um öxl það var ástæða fyrir því.“ Hann fer ekki nánar út í það hvað olli vinslitunum en Bubbi vildi ekki tjá sig nánar um ummæli sín í samtali við Vísi. Vildi ekkert segja við Auðunn Blöndal Bubbi hefur áður verið spurður um af hverju vinskapurinn slitnaði milli hans og Megasar. Í þáttunum Tónlistarmennirnir okkar sem sýndir voru í upphafi árs sagði Bubbi að þeir Megas væru ekki vinir lengur. Þeir hefðu verið mjög góðir vinir. Auðunn Blöndal, sem stýrði þáttunum, spurði Bubba hvort eitthvað hefði komið upp á en sagði: „Nei, ég held bara að menn einhvern veginn labbi í sitthvora áttina. Þetta gerist stundum. Myndir þú segja mér ef það væri eitthvað? spurði Auðunn Blöndal og fékk svarið: „Nei.“ Auðunn sagðist hafa grunað að svo væri og sagðist þá ekki ætla að ganga frekar á Bubba. Bubbi sagði að Auðunn gæti reynt það en hann myndi aldrei segja meira. Eins og stóri bróðir árið 2008 Árið 2007 gaf Megas út lagið „(Minnst tíu milljón) Flóabitanótt“. Þá var því haldið fram að í texta lagsins væri Megas að skjóta á Bubba en hann neitaði því reyndar sjálfur. Þá sagði Fréttablaðið frá því að margar sögur hefði verið á kreiki um ástæðu vinaslitanna. Í kjölfarið sagði Bubbi við Fréttablaðið að hann kannaðist ekki við að það andaði köldu milli hans og Megasar. „Ég lít á Magnús sem einn af mínum fjórum eldri bræðrum. Ég bara svaraði þessu þannig að ástin hún á sér mörg birtingarform,“ sagði Bubbi. Hann sagðist ekki hafa haft samband við Megas en vissi ekki til þess að vináttusamband þeirra hefði „sprungið“. Hann bæri mikla virðingu fyrir Megasi og hefði ekkert upp á hann að klaga. Fleiri spá í Megasi Regína Ásvaldsdóttir, sviðsstjóri Velferðarsviðs Reykjavíkurborgar, segir frásögn Bergþóru hafa snert sig djúpt. Hún muni vel eftir glaðlyndri og hispurslausri stelpu en svo hafi skuggi komið yfir áru hennar. Hún segir að þegar betur sé að gáð fjalli nokkrir lagatextar Megasar um barnagirnd og kynferðislega misnotkun. „Ég skammast mín fyrir að hafa sett Megas á stall, þrátt fyrir að hafa vitað innst inni að margir textanna væru um ógeðfellt efni. Ég kafaði bara ekki svo djúpt, því ég var hrædd við það sem ég myndi finna,“ skrifaði Regína á Facebook í dag. Oddný Harðardóttir, þingmaður Samfylkingarinnar, fjallaði sömuleiðis um Megas á Facebook í dag og sagði frá því að hún skrifaði Megasi opið bréf í Þjóðviljanum árið 1985. Þá hafði hún farið á tónleika með honum í Samkomuhúsinu í Garðinum. Hún sagði vonbrigði hennar með tónleikanna hafa rifjast upp við lestur um ásakanir Bergþóru. Í greininni frá 1985 sagði Oddný frá því að lokalag tónleikanna hefði fjallað um fjórtán ára stúlkur í fermingarkyrtlum sem verði að fá sér í hana. Hann hafi verið um stelpukrakka sem geti ekki á heilum sér tekið vegna greddu. „Megas, hvað varstu að reyna að segja okkur með þessu?“ spurði Oddný. Kynferðisofbeldi Mest lesið Sjö hættulegar gryfjur fyrir hjón og pör að falla í Áskorun Heyrt kjaftasögurnar um eldri mennina sem stýri henni Lífið Will Smith hrifinn af akureyrsku hjartaljósunum Lífið Logi Geirs og Inga Tinna eiga von á barni Lífið Varð móðir sextán ára Lífið Ekki lengur smeykur við að deila kastljósinu með Katrínu Lífið Ebba Katrín valin bæjarlistamaður Hafnarfjarðar Lífið „Elska að hafa skipulagt kaos“ Tíska og hönnun Japaninn sló heimsmet í Hlíðarfjalli Lífið Lekker hæð listakonu til sölu Lífið Fleiri fréttir „Hann var langt á undan sinni samtíð“ Will Smith hrifinn af akureyrsku hjartaljósunum Ebba Katrín valin bæjarlistamaður Hafnarfjarðar Logi Geirs og Inga Tinna eiga von á barni Varð móðir sextán ára Heyrt kjaftasögurnar um eldri mennina sem stýri henni Japaninn sló heimsmet í Hlíðarfjalli Lekker hæð listakonu til sölu „Stundum finnst mér ég getað sigrað heiminn“ Svakalegasta atvinnuumsókn sem sést hefur á FM957 Vöknuðu fyrir allar aldir til að gera aðra atlögu Björgólfur og Skúli í stuði í Feneyjum Heimafæðing Örnu Ýrar: „Ekki eins hræðilegt og margir halda“ Suzuki mun flytja inn í höll Björgólfs Stefnir Megan Thee Stallion fyrir meint áreiti á vinnustað Flugfreyjuhattar Icelandair frá tískurisanum Balenciaga fá nýtt líf Ekki lengur smeykur við að deila kastljósinu með Katrínu Jón Jónsson selur glæsihús á Seltjarnarnesi Kynferðislegt ofbeldi: Kynlíf eftir áföll Karlakórinn Esja tók frægasta slagara Backstreet Boys Flott flutti ódauðlega slagara með Sálinni og Ásgeiri Trausta Myndaveisla: Pattra og Gugusar hressastar í drykkjarpartýi Steggjun endaði á árshátíð RÚV Allt klárt fyrir tilraun við heimsmet í Hlíðarfjalli Hvað ber að hafa í huga þegar hvolpur kemur á heimilið Lagið Yfirgefinn varð til þegar Valdimar öskraði á hljómsveitarmeðlimi Félag Rikka Daða selur einbýli sem áður var í eigu Rikka Daða Öskur á tónleikum Laufeyjar öfugt ofan í aðdáendur „Óraunverulegustu fréttir sem við getum fært“ Vaknaði í angist alla morgna Sjá meira
Bergþóra Einarsdóttir hefur sakað Megas og annan mann um að hafa brotið á sér kynferðislega árið 2004 og skrifað lagið „Litla ljót“ um brotið. Það gerði hún í viðtali við Stundina. Í samtali við Vísi sagði hún að kominn væri tími til að Megas væri opinberaður. Í tísti sem hann birti við annað tíst um Megas og gerendameðvirkni í gær sagði Bubbi: „Ekki telja mig með gekk burt 1994.“ Svo í umræðum í Facebookfærslu Ingibjargar Kjartansdóttur, sem tók viðtalið við Bergþóru um ásökunina gegn Megasi, sagðist Bubbi trúa Bergþóru. Hann sagði einnig: „Ég gekk burt á sínum tíma og við hjónin og litum ekki um öxl það var ástæða fyrir því.“ Hann fer ekki nánar út í það hvað olli vinslitunum en Bubbi vildi ekki tjá sig nánar um ummæli sín í samtali við Vísi. Vildi ekkert segja við Auðunn Blöndal Bubbi hefur áður verið spurður um af hverju vinskapurinn slitnaði milli hans og Megasar. Í þáttunum Tónlistarmennirnir okkar sem sýndir voru í upphafi árs sagði Bubbi að þeir Megas væru ekki vinir lengur. Þeir hefðu verið mjög góðir vinir. Auðunn Blöndal, sem stýrði þáttunum, spurði Bubba hvort eitthvað hefði komið upp á en sagði: „Nei, ég held bara að menn einhvern veginn labbi í sitthvora áttina. Þetta gerist stundum. Myndir þú segja mér ef það væri eitthvað? spurði Auðunn Blöndal og fékk svarið: „Nei.“ Auðunn sagðist hafa grunað að svo væri og sagðist þá ekki ætla að ganga frekar á Bubba. Bubbi sagði að Auðunn gæti reynt það en hann myndi aldrei segja meira. Eins og stóri bróðir árið 2008 Árið 2007 gaf Megas út lagið „(Minnst tíu milljón) Flóabitanótt“. Þá var því haldið fram að í texta lagsins væri Megas að skjóta á Bubba en hann neitaði því reyndar sjálfur. Þá sagði Fréttablaðið frá því að margar sögur hefði verið á kreiki um ástæðu vinaslitanna. Í kjölfarið sagði Bubbi við Fréttablaðið að hann kannaðist ekki við að það andaði köldu milli hans og Megasar. „Ég lít á Magnús sem einn af mínum fjórum eldri bræðrum. Ég bara svaraði þessu þannig að ástin hún á sér mörg birtingarform,“ sagði Bubbi. Hann sagðist ekki hafa haft samband við Megas en vissi ekki til þess að vináttusamband þeirra hefði „sprungið“. Hann bæri mikla virðingu fyrir Megasi og hefði ekkert upp á hann að klaga. Fleiri spá í Megasi Regína Ásvaldsdóttir, sviðsstjóri Velferðarsviðs Reykjavíkurborgar, segir frásögn Bergþóru hafa snert sig djúpt. Hún muni vel eftir glaðlyndri og hispurslausri stelpu en svo hafi skuggi komið yfir áru hennar. Hún segir að þegar betur sé að gáð fjalli nokkrir lagatextar Megasar um barnagirnd og kynferðislega misnotkun. „Ég skammast mín fyrir að hafa sett Megas á stall, þrátt fyrir að hafa vitað innst inni að margir textanna væru um ógeðfellt efni. Ég kafaði bara ekki svo djúpt, því ég var hrædd við það sem ég myndi finna,“ skrifaði Regína á Facebook í dag. Oddný Harðardóttir, þingmaður Samfylkingarinnar, fjallaði sömuleiðis um Megas á Facebook í dag og sagði frá því að hún skrifaði Megasi opið bréf í Þjóðviljanum árið 1985. Þá hafði hún farið á tónleika með honum í Samkomuhúsinu í Garðinum. Hún sagði vonbrigði hennar með tónleikanna hafa rifjast upp við lestur um ásakanir Bergþóru. Í greininni frá 1985 sagði Oddný frá því að lokalag tónleikanna hefði fjallað um fjórtán ára stúlkur í fermingarkyrtlum sem verði að fá sér í hana. Hann hafi verið um stelpukrakka sem geti ekki á heilum sér tekið vegna greddu. „Megas, hvað varstu að reyna að segja okkur með þessu?“ spurði Oddný.
Kynferðisofbeldi Mest lesið Sjö hættulegar gryfjur fyrir hjón og pör að falla í Áskorun Heyrt kjaftasögurnar um eldri mennina sem stýri henni Lífið Will Smith hrifinn af akureyrsku hjartaljósunum Lífið Logi Geirs og Inga Tinna eiga von á barni Lífið Varð móðir sextán ára Lífið Ekki lengur smeykur við að deila kastljósinu með Katrínu Lífið Ebba Katrín valin bæjarlistamaður Hafnarfjarðar Lífið „Elska að hafa skipulagt kaos“ Tíska og hönnun Japaninn sló heimsmet í Hlíðarfjalli Lífið Lekker hæð listakonu til sölu Lífið Fleiri fréttir „Hann var langt á undan sinni samtíð“ Will Smith hrifinn af akureyrsku hjartaljósunum Ebba Katrín valin bæjarlistamaður Hafnarfjarðar Logi Geirs og Inga Tinna eiga von á barni Varð móðir sextán ára Heyrt kjaftasögurnar um eldri mennina sem stýri henni Japaninn sló heimsmet í Hlíðarfjalli Lekker hæð listakonu til sölu „Stundum finnst mér ég getað sigrað heiminn“ Svakalegasta atvinnuumsókn sem sést hefur á FM957 Vöknuðu fyrir allar aldir til að gera aðra atlögu Björgólfur og Skúli í stuði í Feneyjum Heimafæðing Örnu Ýrar: „Ekki eins hræðilegt og margir halda“ Suzuki mun flytja inn í höll Björgólfs Stefnir Megan Thee Stallion fyrir meint áreiti á vinnustað Flugfreyjuhattar Icelandair frá tískurisanum Balenciaga fá nýtt líf Ekki lengur smeykur við að deila kastljósinu með Katrínu Jón Jónsson selur glæsihús á Seltjarnarnesi Kynferðislegt ofbeldi: Kynlíf eftir áföll Karlakórinn Esja tók frægasta slagara Backstreet Boys Flott flutti ódauðlega slagara með Sálinni og Ásgeiri Trausta Myndaveisla: Pattra og Gugusar hressastar í drykkjarpartýi Steggjun endaði á árshátíð RÚV Allt klárt fyrir tilraun við heimsmet í Hlíðarfjalli Hvað ber að hafa í huga þegar hvolpur kemur á heimilið Lagið Yfirgefinn varð til þegar Valdimar öskraði á hljómsveitarmeðlimi Félag Rikka Daða selur einbýli sem áður var í eigu Rikka Daða Öskur á tónleikum Laufeyjar öfugt ofan í aðdáendur „Óraunverulegustu fréttir sem við getum fært“ Vaknaði í angist alla morgna Sjá meira