Sport

Bætti sitt eigið heimsmet með því að lyfta þessum risastein

Óskar Ófeigur Jónsson skrifar
Eyþór Ingólfsson Melsteð var í heimsmetaham í gær.
Eyþór Ingólfsson Melsteð var í heimsmetaham í gær. Instagram/@eythormelsted

Kraftakarlinn Eyþór Ingólfsson Melsteð byrjaði vel á Magnús Ver Classic aflraunamótinu í gær og lét ekki snjókomuna trufla sig.

Eyþór reif meðal annars upp 137 kíló stein í einni greininni og setti með því heimsmet í að lyfta þyngstum náttúrulegum steini.

Þetta var fyrsta grein keppninnar og fór hún fram við Gullfoss.

Eyþór lyfti þessum rosalega stein upp fyrir höfuð og fékk lyftuna sína gilda.

Eyþór bætti þar sitt eigið met en þegar hann setti það síðast voru allt aðrar aðstæður en í snjónum og bleytunni í gær.

Eyþór náði meðal annars tíunda sæti í keppninni Sterkasti maður heims fyrr á þessu ári.

Magnús Ver Classic aflraunamótið fer fram 18. til 20. nóvember og eru tvær greinar á dag þrjá daga i röð.

Það má sjá þetta heimsmet kappans hér fyrir neðan.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.