Veður

Snýst í sunnan­vind með skúrum sunnan og vestan­til

Atli Ísleifsson skrifar
Hiti yfirleitt á bilinu þrjú til átta stig.
Hiti yfirleitt á bilinu þrjú til átta stig. Vísir/Vilhelm

Lægð er skammt suðvestur af Reykjanesi sem fer norðaustur og úrkomuskil frá henni yfir landinu, en suðvesturhluti landsins er kominn undan þeim. Stormurinn sem geisaði um liðna nótt hefur gengið mikið niður.

Gular veðurviðvaranir tóku gildi á suðaustanverðu landinu og á hálendinu í nótt og eru í gildi nú til morguns sökum vindstrengja.

Í hugleiðingum veðurfræðings segir að í kjölfar skilanna snúist vindur í sunnan átta til fimmtán metra með skúrum sunnan og vestantil, en það stytti upp og létti víða til norðanlands. Hiti yfirleitt á bilinu 3 til 8 stig.

„Á morgun fer svo lægðarmiðjan yfir landið, víða hæg breytileg átt með vætu, en meiri vindur á jöðrum lægðarinnar, norðaustan 8-13 m/s á Vestfjörðum og hvöss suðvestanátt á Suðausturlandi.“

Spákortið fyrir klukkan 14.Veðurstofan

Veðurhorfur á landinu næstu daga

Á þriðjudag: Víða hæg breytileg átt og stöku skúrir, en hvöss suðvestanátt og rigning á Suðausturlandi og lengst af norðan 8-15 m/s með snjókomu eða slyddu á Vestfjörðum. Hiti 1 til 6 stig en kringum frostmark á norðanverðu landinu.

Á miðvikudag: Norðlæg átt 5-13 m/s. Él um landið norðanvert, en þurrt og bjart sunnantil. Frost 0 til 5 stig, en frostlaust syðst.

Á fimmtudag: Austlæg eða breytileg átt 3-10 m/s. Skýjað og lítilsháttar él austantil á landinu, en víða léttskýjað annarsstaðar. Frost 2 til 7 stig en frostlaust með suðurströndinni. Vaxandi austanátt og þykknar upp syðst um kvöldið.

Á föstudag: Norðaustanátt og snjókoma á köflum um landið austanvert, en annars þurrt að kalla. Frost 0 til 8 stig, hlýjast syðst.

Á laugardag: Útlit fyrir að það gangi í hvassa suðaustanátt með hlýnandi veðri og rigningu í flestum landshlutum.

Á sunnudag: Líkur á ákveðinni suðvestanátt með skúrum og síðar éljum en úrkomulitlu veðri norðaustantil á landinu.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.