Hádegisfréttir Bylgjunnar eru á sínum stað klukkan tólf.
Í hádegisfréttum höldum við áfram að tala um væringarnar innan Eflingar og ræðum meðal annars við Drífu Snædal forseta ASÍ um þetta mál sem hefur skekið verkalýðshreyfinguna síðustu daga.
Einnig heyrum við í Agnieszku Ewu Ziółkowsku varaformann Eflingar sem ætlar að sitja áfram og segir kröfur um annað vera svívirðilegar.
Þá verður rætt við Guðmund Inga Guðbrandsson umhverfisráðherra um COP26 ráðstefnuna í Glasgow en Katrín Jakobsdóttir forsætisráðherra mun flytja ræðu á ráðstefnunni síðar í dag.
Einnig verður fjallað um starfsmenn grunnskóla á höfuðborgarsvæðinu sem hafa nú verið kærðir til lögreglu vegna meðferðar barns í skólanum og segjum frá örtröð sem myndaðist við sýnatökur á Selfossi í morgun.
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.
