Aron Pálmarsson skoraði þrjú mörk í sigri Aalborg

Fyrir leikinn voru liðsmenn Aalborg mun sigurstranglegri enda í öðru sæti deildarinnar með tólf stig í sjö leikjum. Skive hins vegar sátu í neðri helmingi töflunnar með sex stig eftir átta leiki.

Eftir jafnan fyrri hálfleik þar sem var jafnt á öllum tölum þá settu leikmenn Aalborg í fluggírinn í síðari hálfleik og átti Skive menn engin svör. Fyrri hálfleikurinn fór 17-16 en sá seinni 19-11. Þægilegur sigur Aalborg staðreynd. Markahæstir hjá Aalborg voru þeir Lukas Sandell og Jonas Samuelsson með 6 mörk hvor. Hjá Skive skoraði Nickolei Jensen fimm mörk.

Aalborg er nú komið á topp deildarinnar en taplaust lið GOG á leik til góða í dag en liðið spilar við Sønderjyske síðar í dag. Skive er hins vegar í tíunda sætinu.