Tónlist

„Andartakið þar sem töfrarnir gerast eða fjandinn verður laus“

Sylvía Rut Sigfúsdóttir skrifar
Bjartmar gefur út nýja tónlist og heldur tónleika á Kiki.
Bjartmar gefur út nýja tónlist og heldur tónleika á Kiki. Jason Pietroski

Tónlistarmaðurinn og leikarinn Bjartmar Þórðarson stendur í stórræðum þessa dagana. Hann er nýlega útskrifaður sem CVT raddþjálfi og vinnur sem slíkur samhliða söng, leik, leikstjórn og skemmtun á ýmisskonar viðburðum.

„Þetta er kærkomin tilbreyting frá veirutímum þar sem lítið var að gerast í skemmtanabransanum,“ segir Bjartmar sem nýtti tímann vel. Hann er með nýja og brakandi ferska plötu tilbúna til útgáfu, og mun fyrsta smáskífan af henni líta ljós nú í vikulok.

Lagið, Danger Zone, er fyrsta lagið af EP-plötunni Secondhand Dream, en Bjartmar fékk bandarísku tónlistarkonuna og pródúserinn Zöe Ruth Erwin til liðs við sig við gerð hennar. Zöe er eflaust best þekkt sem forsprakki sveitarinnar Little Red Lung, ásamt því að hafa samið titillag kvikmyndarinnar Lof mér að falla. Hún gaf sjálf út nýtt lag á dögunum og sólóplata hennar Shook lítur dagsins ljós þann 12. nóvember.

„Tónlistinni á Secondhand Dream mætti best lýsa sem myrku og rafrænu indípoppi. Má greina áhrif frá níunda og tíunda áratugnum í tónlistinni, áhrif frá sveitum eins og Depeche Mode, Massive Attack og The Knife. Þó hefur tónlistin sinn eigin seiðandi og óvenjulega persónuleika,“ segir Bjartmar.

„Danger Zone fjallar um berskjöldun, andartakið þar sem þú ert búinn að gera þig varnarlausan gagnvart ástinni eða listinni, andartakið þar sem töfrarnir gerast eða fjandinn verður laus.“ 

Jason Pietroski

Eins og með fyrri verk Bjartmars eru textar plötunnar persónulegir, fjalla um hæðir og lægðir ástarinnar, að særa út drauga fortíðar og að byggja lífið og hamingjuna á eigin forsendum.

Í tilefni af útgáfu nýju smáskífunnar heldur Bjartmar á útgáfutónleika á Kiki við Laugaveg, og verða þeir haldnir að kvöldi útgáfudags, þann 15.október klukkan 21. Þar mun hann einnig flytja efni af fyrstu EP-plötu sinni, Deliria, ásamt því að flytja hina taktföstu plötu sína og Bistro Boy, Broken, í heild sinni.


Tengdar fréttir

ZÖE frumsýnir myndband við lagið Shook

Vísir frumsýnir í dag myndbandið við lagið Shook frá tónlistarkonunni og pródúsentinum ZÖE, sem er þekktust fyrir lagið sitt Let Me Fall sem var titillag myndarinnar Lof Mér Að Falla. Lagið Shook er fyrsta lag af komandi breiðskífu hennar sem er væntanleg á næsta ári.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.