Bíó og sjónvarp

Lokahelgi RIFF: Danskar stórstjörnur, nýjasta tækni og Gyllti lundinn afhentur

Sylvía Rut Sigfúsdóttir skrifar
Trine Dyrholm er á Íslandi vegna sýningarinnar á Margrét fyrsta.
Trine Dyrholm er á Íslandi vegna sýningarinnar á Margrét fyrsta. Aðsent

Lokahelgi RIFF er runnin í hlað og er búist við miklum fjölda á lokahelgi hátíðarinnar. Hátíðin vekur athygli á fjölda spennandi spurt og svarað kvikmyndasýningum á föstudag og um helgina .Azor, Bruno Reidal,Last Film Show, Sisterhoodog margar fleiri frábærar.

Danska stórleikkonan Trine Dyrholm er heiðursgestur hátíðarinnar og tekur þátt í meistaraspjalli klukkan 11 í Norræna húsinu laugardaginn 10. október, en aðgangur er ókeypis. Einnig er hægt að kaupa miða á sérstakar spurt og svarað sýningar af Dronningen (2018) klukkan 14.45 og nýjustu mynd hennar, Margrét fyrsta, klukkan 19. Trine hefur unnið til sjö Bodil verðlauna á ferlinum, en það eru megin kvikmyndaverðlaun Dana, og er það metfjöldi.

Nýjasta tækni og kvikmyndir er nýr viðburður á hátíðinni þar sem lögð er áhersla á sýndarveruleika, en gestir geta kynnt sér átta mismunandi „veruleika“. Viðburðurinn fer fram í anddyri Bíó Paradís, annars vegar milli 13:00 og 15:15 og hins vegar milli 15:30 og 17:45 laugardaginn 9. og sunnudaginn 10. október og er enn hægt að kaupa miða.

 Á föstudag verður sérstakt opnunarhóf Nýjustu tækni og kvikmynd á Loft Hostel klukkan 19.30 þar sem tónlistarfólkið dj. flugvél og geimskip, Úlfur Eldjárn og Íris Thorarins kemur fram, aðgangur er ókeypis.

Dagskrárflokkur tileinkaður vini og dagskrárstjóra RIFF á árunum 2005-2010, Dimitri Eipides, inniheldur nokkrar af eftirlætis myndum hans. Þrjár þeirra, Dogtooth, Taxidermia og Kinbaku – The Art of Bondage eru sýndar í Bíó Paradís á laugardaginn.

Í dag klukkan 18.45 er svokallað „verk í vinnslu“ sýnd, heimildarmyndin „OMG ... it‘s a MIRACLE!“, sem er framleidd af Sigurjóni Sighvatssyni og leikstýrð af Ara Alexander Egis Magnússyni. Myndin bregður upp mynd af íslenskum tónskáldum, en einblítt er á Gyðu Valtýsdóttur og útgáfutónleikar hennar fyrir plötuna „Epicycle II“, í þessari útgáfu.

Á laugardaginn fer fram lokahóf RIFF í Bókabúð Máls og Menningar klukkan 17, þar sem tilkynnt er um sigurvegara í keppnisflokkum hátíðarinnar. Sýnt verður frá afhendingunni í beinni útsendingu hér á Vísi. Sigurmynd meginkeppnisflokksins Vitrana hlýtur Gyllta lundann, en þar eru sýndar kvikmyndir upprennandi leikstjóra. Í dómnefndinni sitja Trine Dyrholm leikkona, Yorgos Krassakopoulos dagskrárstjóri Þesalóníku hátíðarinnar, Gagga Jónsdóttir kvikmyndagerðarkona, Aníta Bríem leikkona og Gísli Örn Garðarsson leikari og leikstjóri.

Einnig eru veitt verðlaun fyrir bestu íslensku stuttmynd, bestu alþjóðlegu stuttmynd, Gullna Eggið fyrir bestu stuttmynd þátttakenda í kvikmyndasmiðju RIFF, Mynd unga fólksins, og síðast en ekki síst eru veitt verðlaun fyrir bestu mynd í heimildarmyndaflokknum Önnur framtíð.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.