Bíó og sjónvarp

Hasar og hamagangur í nýju sýnishorni úr Leynilöggu

Ása Ninna Pétursdóttir skrifar
Auðunn Blöndal leikur leynilögguna Bússa sem berst við hættulegustu glæpamenn landsins í Íslensku hasar- og gamanmyndinni Leynilögga. 
Auðunn Blöndal leikur leynilögguna Bússa sem berst við hættulegustu glæpamenn landsins í Íslensku hasar- og gamanmyndinni Leynilögga.  Pegasus/Elli Cassata

Íslenska hasar- og gamanmyndin Leynilögga verður frumsýnd á kvikmyndahátíðinni Locarno í næstu viku. 

Nú þegar hefur myndin vakið mikla athygli og forvitni en fréttaveitan Variety frumsýndi sýnishorn á ensku í gær og birti grein þar sem blaðamaður hrósar myndinni og segir hana vera „Bad ass comedy.“

Myndin fjallar um harðhausinn og leynilögguna Bússa sem leikinn er af Auðunni Blöndal. Bússi er einn besti lögreglumaður Reykjavíkur. Málin flækjast þegar hann fær nýjan samstarfsfélaga, pankynhneigða heimsmanninn Hörð Bess, sem er leikinn af Agli Einarssyni. Bússi er í kjölfarið í mikilli baráttu við sjálfan sig á sama tíma og hann berst við hættulegustu glæpamenn landsins. 

Myndin verður frumsýnd á kvikmyndahátíðinni næsta þriðjudag en sýningar hefjast á Íslandi þann 27. ágúst. Pegasus/Elli Cassata

Leikstjóri myndarinnar er Hannes Þór Halldórsson en hann er einnig handritshöfundur ásamt Nínu Petersen og Sverri Þór Sverrissyni en sagan sjálf er eftir Auðunn Blöndal, Egill Einarsson og Hannes Þór.

Hér fyrir neðan er hægt að sjá glænýtt sýnishorn úr myndinni. 

Klippa: Leynilögga - Stikla

Stórt skref að skrifa undir samning

Framleiðendur Leynilöggu lokuðu nýverið samning við sölufyrirtækið Alief og segir Lilja Ósk Snorradóttir framleiðandi hjá Pegasus það skref hafa verið mjög stórt og mikilvægt fyrir myndina.  

Það var afar mikilvægt fyrir okkur að finna sölufyrirtæki sem ekki eingöngu hafði jafn gaman af myndinni og við heldur einnig hefði djúpan skiling á þessari tegund kvikmyndar. Þótt þetta sé í grunnin hasar gamanmynd þá býr hún einnig yfir helling af öðrum hliðum líka.

Íslenski hópurinn heldur út á  mánudaginn og verður myndin verður sýnd þar á þriðjudaginn en sýningar munu hefjast á Íslandi í lok ágúst, byrjun september. 

„Það fer töluvert stór hópur með myndinni út. Fyrir utan mig og leikstjórann Hannes Þór fara þau Auddi, Sveppi, Egill, Steinunn Ólína, Björn Hlynur og Vivan Ólafs,“ segir Lilja. 

Brett Walker frá sölufyrirtækinu Alief segir að kvikmynd eins og Leynilöggu sé afar sjaldgæft að finna og að allir aðdáendur gömlu næntís myndanna ættu ekki að láta myndina framhjá sér fara. 

„Mjög sterk frumraun leikstjóra.“

Plakat myndarinnar Leynilögga.





Fleiri fréttir

Sjá meira


×