Tónlist

„Það var mikið gert grín að okkur“

Sylvía Rut Sigfúsdóttir skrifar
Egill Ástráðsson umboðsmaður með meiru er gestur í nýjasta þættinum af Bransakjaftæði.
Egill Ástráðsson umboðsmaður með meiru er gestur í nýjasta þættinum af Bransakjaftæði. Instagram

Egill Ástráðsson hóf störf í tónlistarbransanum mjög ungur. Þegar hann var enn nemandi í MR var hann kominn á fullt í tónlistarsenuna hér á landi.

Hann gerðist umboðsmaður Sturla Atlas árið 2015, þá sautján ára gamall. Hægt og rólega byggðu þeir upp tónlistarmanninn og vörumerkið Sturla Atlas.

„Við ákváðum að vera með smá mistík, hver er Sturla Atlas? “

Fjölmiðlar fjölluðu um fyrsta myndbandið og var skrifað um dularfullan söngvara en á bakvið nafnið voru þeir þó nokkrir saman.

„Í senunni var ekki mikið svona í gangi,“ segir Egill. „Það var verið að taka bandarískan og að einhverju leyti evrópskan poppkúltúr og kjarna hann í alvörunni í Reykjavík og láta eins og það væri allt í lagi, að mæta og taka tíu lög á ensku.“

Fyrsta plata þeirra var Love Hurts. Það voru samt ekki allir jafn fljótir að taka þeim opnum örmum. Öll lög Sturla Atlas voru á ensku á þessum tíma. 

„Í byrjun, það er mjög auðvelt að fletta þessu upp, það var mikið gert grín að okkur.“

Egill segir að þeim hafi verið alveg sama, enda hafi þeir vitað hvað krökkum þætti skemmtilegt.

„Það var algjör andi og orka í þessu.“

Snemma byrjaðir að hugsa stórt

Egill hefur skipulagt tónleika, gefið út plötur og bókað gigg fyrir mörg af vinsælustu tónlistarfólki landsins. Í nýjasta þættinum af Bransakjaftæði er farið yfir þetta allt og íslenski tónlistarbransinn greindur í þaula.

Sem umboðsmaður var Egill með mikinn metnað og mætti á hvert einasta gigg og líka „soundcheck“ fyrr um daginn og ræddi við ljósamenn, staðarhaldara og alla sem komu að verkefninu.

„Við vorum með mikinn metnað fyrir því hvernig hvert show átti að vera.“

Samhliða tónlistinni og þessu ævintýri unnu þeir að tónlistarútgáfunni Les Fréres Stefson. Í húsnæðinu á Hverfisgötu gerðu þeir sitt eigið upptökustúdíó og hafa gefið út efni frá Sturla Atlas og auk þess Retro Stefson, Hermigervil, Flóna, Birni, GDRN, Young Karin mörgum öðrum.

„Við fórum þá í þær pælingar sem við erum djúpt í í dag, að stofna útvarpsstöð, símfyrirtæki og framleiðslufyrirtæki.“

Nú eru þar líka skrifstofur enda hafa þeir tekið verkefnið mun lengra. Viðtalið má heyra í heild sinni í þættinum hér fyrir neðan.

Klippa: Bransakjaftæði - Egill Ástráðsson

Bransakjaftæði er hlaðvarpshluti Tónatals, sem miðar að því að efla þekkingu þeirra sem starfa við tónlist og stuðningsumhverfi þeirra. Bransakjaftæði er unnið í samvinnu við Útvarp 101 og Bergþór Másson er þáttarstjórnandi annarrar seríu. Tónatal er samstarfsverkefni ÚTÓN, Tónlistarborgarinnar Reykjavík, STEF, SFH og Íslandsstofu. Þættirnir birtast vikulega á Spotify og Vísi en jafnframt verða þeir spilaðir á Útvarp 101 á miðvikudögum klukkan 16. 


Tengdar fréttir

Eins og að kaupa lottómiða

Tónlistarkonan Hildur hefur sótt þónokkur lagasmíða „workshop“ erlendis þar sem hún vinnur með fólki frá öllum heimshornum að tónlistarsköpun. Hún segir að mörg af þessum lögum líti aldrei dagsins ljós. 

Varð umboðsmaður Kaleo fyrir tilviljun

Sindri Ástmarsson hafði starfað sem plötusnúður og útvarpsmaður í dágóðan tíma þegar hann vildi leita á ný mið. Áður en hann vissi af var hann orðinn umboðsmaður hljómsveitarinnar Kaleo.

Kominn með al­gjört ógeð á sam­fé­lags­miðlum í dag

Ólafur Arnalds er einn árangurríkasti tónlistarmaður Íslands. Lögin hans streymast í milljónatali á Spotify og uppselt er á tónleika um allan heim. Í fyrsta þættinum af annarri þáttaröð af hlaðvarpinu Bransakjaftæði talar Ólafur um praktísku hlið ferilsins síns.






Fleiri fréttir

Sjá meira


×