Segja Liverpool vera að bjóða í Mbappe

Núverandi samningur Mbappe við PSG rennur út næsta sumar og hafa aðilarnir enn ekki skrifað undir nýjan samning.

Það ýtir undir það að franski landsliðsmaðurinn gæti verið á leið burt en Real Madrid hefur verið nefnt til sögunnar.

Þó hefur Liverpool skotist inn í umræðuna við og við og nú vill Marca meina að Liverpool hafi haft samband við PSG.

Þeir hafi spurst fyrir um stöðuna á Mbappe og möguleikann á að kaupa frönsku stórstjörnuna til Englands.

Mbappe er nú með franska landsliðinu á EM þar sem þeir eru komnir í sextán liða úrslitin.