Veður

Skiptast á skin og skúrir næstu daga

Atli Ísleifsson skrifar
Í dag er útlit fyrir ástlæga átt, fimm til þrettán metrar á sekúndu.
Í dag er útlit fyrir ástlæga átt, fimm til þrettán metrar á sekúndu. Vísir/Vilhelm

Næstu daga skiptast á skin og skúrir þar sem spár gera ráð fyrir lægðagangi. Skil með rigningu ganga þá allreglulega yfir landið en ólíkt stöðunni að undanförnu þar sem varla hefur sést til sólar sunnantil á landinu ætti að geta létt ágætlega til á milli lægðakerfa.

Frá þessu segir í hugleiðingum veðurfræðings á vef Veðurstofunnar. Þar segir að nú líti út fyrir að norðlægar áttir nái einnig inn á land milli lægða og þar sem stutt sé í kalda loftið norður af landinu. Þá megi búast við að gráni í fjöll á norðanverðu landinu á föstudag til dæmis.

Í dag er útlit fyrir austlæga átt, fimm til þrettán metrar á sekúndu, en hægari á Norðaustur- og Austurlandi. Rigning á sunnanverðu landinu og úrkomuminna norðantil. Hiti víða 8 til 15 stig, hlýjast norðaustanlands.

Veðurhorfur á landinu næstu daga

Á fimmtudag: Suðlæg eða breytileg átt 3-10, en norðaustan 8-15 NV-til. Víða rigning, þó síst NA-lands. Hiti 7 til 15 stig, hlýjast á NA-landi, en 2 til 6 stig á Vestfjörðum.

Á föstudag: Norðan og norðvestan 8-13 m/s með rigningu eða slyddu N-lands fram eftir degi, en bjart með köflum syðra. Hiti 2 til 14 stig, hlýjast á SA-landi.

Á laugardag: Austlæg átt og skýjað en úrkomulítið, hiti víða 6 til 13 stig. Vaxandi austanátt með rigningu á S-verðu landinu um kvöldið.

Á sunnudag: Norðaustlæg átt og rigning með köflum, en styttir upp SV-til síðdegis. Svalt fyrir norðan og milt syðra.

Á mánudag: Útlit fyrir norðan- og norðvestanátt með skúrum á víð og dreif.

Á þriðjudag: Líkur á austlægari átt með stöku skúrum. Hiti 5 til 10 stig að deginum.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.