Veður

Kólnar og gengur í norðan- og norð­austan­átt

Atli Ísleifsson skrifar
Hiti getur náð sjö til níu stigum suðvestantil að deginum, en annars svalara.
Hiti getur náð sjö til níu stigum suðvestantil að deginum, en annars svalara. Vísir/Vilhelm

Það gengur í norðan og norðaustanátt og kólnar með éljum fyrir norðan og austan. Slydda eða rigning suðaustanlands, en léttir til á Suður- og Vesturlandi. Hiti getur náð sjö til níu stigum suðvestantil að deginum, en annars svalara.

Í hugleiðingum veðurfræðings segir að næstu daga ætli að vera viðvarandi norðlæg átt með éljum um landið norðan- og austanvert, en lengst af bjartviðri í öðrum landshlutum.

„Reikna má með að næturfrost verði víða og yfir daginn verður hiti nálægt frostmarki í éljaloftinu en að 9 stigum þar sem sólar gætir.“

Spákortið fyrir klukkan 14 í dag.Veðurstofan

Veðurhorfur á landinu næstu daga

Á laugardag: Norðaustan 5-13 m/s og dálítil él norðan- og austanlands, en bjart með köflum sunnan heiða. Hiti 0 til 7 stig að deginum, mildast sunnanlands.

Á sunnudag: Norðaustan og austan 3-10 m/s. Skýjað norðaustan- og austanlands, en bjartviðri vestantil. Hiti breytist lítið.

Á mánudag, þriðjudag og miðvikudag: Norðlæg átt 3-10 m/s. Skýjað og úrkomulítið norðantil á landinu, hiti um frostmark. Þurrt og bjart sunnan- og vestanlands með hita að 8 stigum yfir daginn.

Á fimmtudag: Útlit fyrir áframhaldandi norðlæga átt með dálítilum éljum fyrir norðan og austan, en bjartviðri annars staðar. Áfram fremur kalt, en hiti að 8 stigum sunnantil að deginum.

Veður
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið