Veður

Víða sunnan­átt með skúrum á landinu

Atli Ísleifsson skrifar
Hiti á landinu verður fimm til fjórtán stig.
Hiti á landinu verður fimm til fjórtán stig. Vísir/Vilhelm

Veðurstofan reiknar með sunnan og suðaustan tíu til átján metrum á sekúndu og rigningu eða súld fyrri part dags. Bjart verður að mestu norðaustantil á landinu. Hiti á landinu verður fimm til fjórtán stig, þar sem hlýjast verður á Norður- og Austurlandi.

Í hugleiðingum veðurfræðings á vef Veðurstofunnar segir að það snúist í suðvestan tíu til átján metra um og eftir hádegi með skúrum eða slydduéljum um landið sunnan- og vestanvert og kólnandi veðri. Dregur úr vindi í kvöld.

„Sunnan gola eða kaldi og áfram skúrir eða slydduél í fyrramálið, en léttskýjað um landið norðaustanvert. Síðdegis á morgun og annað kvöld lægir og fer að rigna allvíða. Hiti 3 til 10 stig.ׅ“

Bjartast verður á Norðausturlandi um miðjan dag, en vindasamt.Veðurstofan

Veðurhorfur á landinu næstu daga

Á laugardag: Suðlæg átt 8-13 m/s og skúrir eða slydduél, en bjartviðri á NA- og A-landi. Lægir síðdegis og fer að rigna á SA- og A-verðu landinu. Hiti 3 til 10 stig.

Á sunnudag: Suðvestan 8-15 og slydduél eða él, en léttir til á NA- og A-landi. Hiti 0 til 7 stig.

Á mánudag: Suðvestan og vestan 5-10 og él, en lengst af bjartviðri um landið A-vert. Hiti um eða yfir frostmarki.

Á þriðjudag: Vestan 5-13 og bjart með köflum, en stöku skúrir eða él við N- og V-ströndina. Heldur hlýnandi.

Á miðvikudag: Suðaustanátt og þurrt að kalla, en bjartviðri um landið N-vert. Hiti 0 til 6 stig.

Á fimmtudag (sumardagurinn fyrsti): Útlit fyrir suðlæga átt með dálítilli vætu V-til, en björtu veðri eystra. Hiti 5 til 11 stig.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.