Mun óvænt hetja PSG frá síðustu leiktíð bíta liðið í rassinn í kvöld? Runólfur Trausti Þórhallsson skrifar 7. apríl 2021 14:00 Eric Maxim Choupo-Moting gæti óvænt verið í byrjunarliði Bayern í kvöld. EPA-EFE/LUKAS BARTH-TUTTAS Í kvöld mætast Evrópumeistarar Bayern og Paris Saint-Germain í fyrri viðureign liðanna í 8-liða úrslitum Meistaradeildar Evrópu. Liðin mættust í úrslitum á síðustu leiktíð þar sem Bayern hafði betur 1-0 þökk sé marki Kingsley Coman. Jean-Eric Maxim Choupo-Moting, fyrrum leikmaður Hamburger, Mainz 05, Schalke 04 og Stoke City, var hins vegar óvænt hetja PSG í 8-liða úrslitum er hann skoraði sigurmarkið í uppbótartíma í 2-1 sigri á Atalanta. Choupo-Moting leikur í dag með Bayern og gæti fengið óvænt tækifæri í kvöld þar sem Evrópumeistararnir eru án nokkurra leikmanna. Choupo-Moting tryggði PSG sæti í undanúrslitum Meistaradeildarinnar á síðustu leiktíð.EPA-EFE/David Ramos Aðstæður undir lok síðasta tímabils voru vægast sagt undarlegar vegna kórónufaraldursins. Síðustu leikir Meistaradeildarinnar fóru allir fram í Portúgal og var aðeins einn leikur í 8-liða sem og undanúrslitum. Nú eru hlutirnir aðeins eðlilegri þó enn séu einvígi í að fara fram á hlutlausum völlum þar sem sóttvarnareglur eru mismunandi land frá landi, en nóg um það. Gönguferð í garðinum fyrir Bæjara? Í kvöld mætast þessi stórskemmtilegu lið en ef horft er í gengið heima fyrir ættu Bæjarar að eiga greiða leið inn í undanúrslitin. PSG lét Thomas Tuchel fara fyrr á leiktíðinni og var Mauricio Pochettino ráðinn í staðinn. Argentínumaðurinn hefur ekki náð því besta út úr Frakklandsmeisturunum ef marka má frönsku úrvalsdeildina. Þar situr Parísarliðið í 2. sæti, þremur stigum á eftir toppliði, Lille þegar sjö umferðir eru eftir. Það sem meira er, PSG hefur tapað átta af 31 deildarleik sínum á leiktíðinni. Á sama tíma er Bayern með sjö stiga forystu á toppi þýsku úrvalsdeildarinnar þegar sjö umferðir eru eftir. Þó PSG eigi enn fína möguleika á að vinna frönsku deildina fjórða árið í röð – og í áttunda skiptið á síðustu níu árum – þá er alvitað að draumur eiganda PSG er að vinna þann stóra, Meistaradeild Evrópu. Til þess að það gerist þarf liðið að slá út Bayern-lið sem hefur unnið 18 af síðustu 19 leikjum sínum í keppninni. PSG á harma að hefna frá síðustu leiktíð.Michael Regan/Getty Images Bæði lið mæta „vængbrotin“ til leiks PSG getur huggað sig við það að Bæjarar verða án síns helsta markaskorara sem og nokkurra annarra leikmanna í kvöld. Gallinn er að það sama á við um PSG. Hjá Bayern er markamaskínan Robert Lewandowski frá vegna meiðsla og missir af báðum leikjum einvígisins. Pólverjinn hefur verið iðinn við kolann á þessari leiktíð líkt og undanfarin ár. Hann var kominn með fimm mörk í sex leikjum í Meistaradeildinni áður en hann meiddist ásamt 35 í aðeins 25 leikjum í þýsku úrvalsdeildinni. Evrópumeistararnir verða einnig án Serge Gnabry sem greindist með Covid-19 á dögunum sem og Corentin Tolisso og Douglas Costa. Þó leikmannahópur Bayern sé ógnarsterkur hefur það áhrif að missa svo marga gæða leikmenn út. Stærsta spurningin er hver mun leysa Lewandowski af hólmi. Mögulegt er að Leroy Sané fari upp í fremstu línu. Hinn eldfljóti Alphonso Davies færi þá á vinstri vænginn og Lucas Hernández í vinstri bakvörðinn. Hin lausnin er svo auðvitað sú að hinn 32 ára gamli Jean-Eric Maxim Choupo-Moting verði í byrjunarliði Bayern. Hann var hetja PSG í 8-liða úrslitum Meistaradeildarinnar á síðasta tímabili og hver veit nema hann verði hetja Bayern á þessari leiktíð. PSG er einnig í meiðsla- og Covid-vandræðum. Marco Veratti og Alessandro Florenzi greindust með kórónuveiruna á dögunum. Juan Bernat er frá vegna meiðsla og Leandro Paredes er í leikbann. Þá eru Danilo Pereira, Mauro Icardi og Layvin Kurzawa allir tæpir fyrir leik kvöldsins. Leikur Bayern Munchen og PSG hefst klukkan 19:00 og verður sýndur beint á Stöð 2 Sport 3. Á sama tíma hefst leikur Chelsea og Porto sem verður sýndur á Stöð 2 Sport 2. Upphitun fyrir leiki kvöldsins hefst klukkan 18:15 á Stöð 2 Sport 2 og þeir verða svo gerðir upp í Meistaradeildarmörkunum klukkan 21:00. Meistaradeild Evrópu er á Stöð 2 Sport en upplýsingar um útsendingar má finna hér. Meistaradeildin er hluti af Stöð 2 Sport Erlent sem kostar 3.990 krónur á mánuði en einnig má kaupa útsendingar sem stakan viðburð á 990 krónur. Fótbolti Meistaradeild Evrópu Mest lesið Fengið nóg af því að vera ruslakista fyrir viðbjóð frá fólki Körfubolti Syrgir fimmtán mánaða son sinn Sport Manchester-liðin og Aston Villa á móti því að eyðsluþak verði sett á Enski boltinn LeBron James gæti hafa spilað kveðjuleik sinn Körfubolti „Mo Salah sá sem að gekk of langt“ Enski boltinn Hundfúll og ýtti ungum KR-krökkum frá sér: „Ekki fallegt að sjá“ Íslenski boltinn Kelce framlengir og verður launahæsti innherji sögunnar Sport Fótboltafortíð fjölskyldunnar í sviðsljósinu í viðtali DR við Andra Lucas Fótbolti Valur sýndi Berglindi meiri áhuga en Breiðablik Íslenski boltinn Albert skoraði þegar Genoa gulltryggði sætið í efstu deild Fótbolti Fleiri fréttir Sjáðu ungar hetjur bjarga Fram og Stjörnunni Hundfúll og ýtti ungum KR-krökkum frá sér: „Ekki fallegt að sjá“ „Mo Salah sá sem að gekk of langt“ Valur sýndi Berglindi meiri áhuga en Breiðablik Fótboltafortíð fjölskyldunnar í sviðsljósinu í viðtali DR við Andra Lucas Manchester-liðin og Aston Villa á móti því að eyðsluþak verði sett á Lopetegui tekur við AC Milan Rúnar Páll: Við eigum þetta ekki skilið en svona er þetta „Við eigum að geta varist föstum leikatriðum“ Guðmundur Baldvin: Þrjú stig í hús á erfiðum velli og það er bara frábært Lewandowski með þrennu er Barcelona kom til baka gegn Valencia „Það er mikill efniviður í Fram“ Albert skoraði þegar Genoa gulltryggði sætið í efstu deild Uppgjör, viðtöl og myndir: Valur - Fram 1-1 | Ungir Framarar halda áfram að stela senunni Stefán Teitur skoraði í óvæntum sigri á Sverri Inga og félögum Uppgjör og viðtöl: Fylkir - Stjarnan 0-1 | Stjörnumenn stálu öllum stigunum Nær allir leikmenn Man Utd til sölu fyrir rétt verð Thiago Silva hættir hjá Chelsea en vonast til að synirnir spili þar áfram „Nú verður Edda brjáluð þegar ég hitti hana næst“ Mikil virðing fyrir Orra: Hárið stundum flækt en alltaf bros á vör Áfall fyrir Vestra: Eiður Aron brotinn og lengi frá Fyrstir í sautján ár til að vinna fjóra fyrstu leikina tvö ár í röð Tvær skráðar með sama númer á skýrslu og sú rétta fékk ekki markið Saman á ný eftir súrrealískan dag: „Við erum eins og lím við hvorn annan“ Sjáðu dramatíkina í fyrsta grasleiknum á KR-vellinum og öll hin mörkin Hrósar Alberti en Inter þarf að safna fyrir honum Þjálfari Orra Steins sáttur: Hann hefur haldið kjafti Hundraðasti sigur Arteta kom gegn erkifjendunum: „Stoltur af leikmönnunum“ Hetjan Orri Steinn eftir þrennuna: Besta tilfinning í heimi „Mér leið eins og ég væri í Keanu Reeves mynd“ Sjá meira
Jean-Eric Maxim Choupo-Moting, fyrrum leikmaður Hamburger, Mainz 05, Schalke 04 og Stoke City, var hins vegar óvænt hetja PSG í 8-liða úrslitum er hann skoraði sigurmarkið í uppbótartíma í 2-1 sigri á Atalanta. Choupo-Moting leikur í dag með Bayern og gæti fengið óvænt tækifæri í kvöld þar sem Evrópumeistararnir eru án nokkurra leikmanna. Choupo-Moting tryggði PSG sæti í undanúrslitum Meistaradeildarinnar á síðustu leiktíð.EPA-EFE/David Ramos Aðstæður undir lok síðasta tímabils voru vægast sagt undarlegar vegna kórónufaraldursins. Síðustu leikir Meistaradeildarinnar fóru allir fram í Portúgal og var aðeins einn leikur í 8-liða sem og undanúrslitum. Nú eru hlutirnir aðeins eðlilegri þó enn séu einvígi í að fara fram á hlutlausum völlum þar sem sóttvarnareglur eru mismunandi land frá landi, en nóg um það. Gönguferð í garðinum fyrir Bæjara? Í kvöld mætast þessi stórskemmtilegu lið en ef horft er í gengið heima fyrir ættu Bæjarar að eiga greiða leið inn í undanúrslitin. PSG lét Thomas Tuchel fara fyrr á leiktíðinni og var Mauricio Pochettino ráðinn í staðinn. Argentínumaðurinn hefur ekki náð því besta út úr Frakklandsmeisturunum ef marka má frönsku úrvalsdeildina. Þar situr Parísarliðið í 2. sæti, þremur stigum á eftir toppliði, Lille þegar sjö umferðir eru eftir. Það sem meira er, PSG hefur tapað átta af 31 deildarleik sínum á leiktíðinni. Á sama tíma er Bayern með sjö stiga forystu á toppi þýsku úrvalsdeildarinnar þegar sjö umferðir eru eftir. Þó PSG eigi enn fína möguleika á að vinna frönsku deildina fjórða árið í röð – og í áttunda skiptið á síðustu níu árum – þá er alvitað að draumur eiganda PSG er að vinna þann stóra, Meistaradeild Evrópu. Til þess að það gerist þarf liðið að slá út Bayern-lið sem hefur unnið 18 af síðustu 19 leikjum sínum í keppninni. PSG á harma að hefna frá síðustu leiktíð.Michael Regan/Getty Images Bæði lið mæta „vængbrotin“ til leiks PSG getur huggað sig við það að Bæjarar verða án síns helsta markaskorara sem og nokkurra annarra leikmanna í kvöld. Gallinn er að það sama á við um PSG. Hjá Bayern er markamaskínan Robert Lewandowski frá vegna meiðsla og missir af báðum leikjum einvígisins. Pólverjinn hefur verið iðinn við kolann á þessari leiktíð líkt og undanfarin ár. Hann var kominn með fimm mörk í sex leikjum í Meistaradeildinni áður en hann meiddist ásamt 35 í aðeins 25 leikjum í þýsku úrvalsdeildinni. Evrópumeistararnir verða einnig án Serge Gnabry sem greindist með Covid-19 á dögunum sem og Corentin Tolisso og Douglas Costa. Þó leikmannahópur Bayern sé ógnarsterkur hefur það áhrif að missa svo marga gæða leikmenn út. Stærsta spurningin er hver mun leysa Lewandowski af hólmi. Mögulegt er að Leroy Sané fari upp í fremstu línu. Hinn eldfljóti Alphonso Davies færi þá á vinstri vænginn og Lucas Hernández í vinstri bakvörðinn. Hin lausnin er svo auðvitað sú að hinn 32 ára gamli Jean-Eric Maxim Choupo-Moting verði í byrjunarliði Bayern. Hann var hetja PSG í 8-liða úrslitum Meistaradeildarinnar á síðasta tímabili og hver veit nema hann verði hetja Bayern á þessari leiktíð. PSG er einnig í meiðsla- og Covid-vandræðum. Marco Veratti og Alessandro Florenzi greindust með kórónuveiruna á dögunum. Juan Bernat er frá vegna meiðsla og Leandro Paredes er í leikbann. Þá eru Danilo Pereira, Mauro Icardi og Layvin Kurzawa allir tæpir fyrir leik kvöldsins. Leikur Bayern Munchen og PSG hefst klukkan 19:00 og verður sýndur beint á Stöð 2 Sport 3. Á sama tíma hefst leikur Chelsea og Porto sem verður sýndur á Stöð 2 Sport 2. Upphitun fyrir leiki kvöldsins hefst klukkan 18:15 á Stöð 2 Sport 2 og þeir verða svo gerðir upp í Meistaradeildarmörkunum klukkan 21:00. Meistaradeild Evrópu er á Stöð 2 Sport en upplýsingar um útsendingar má finna hér. Meistaradeildin er hluti af Stöð 2 Sport Erlent sem kostar 3.990 krónur á mánuði en einnig má kaupa útsendingar sem stakan viðburð á 990 krónur.
Meistaradeild Evrópu er á Stöð 2 Sport en upplýsingar um útsendingar má finna hér. Meistaradeildin er hluti af Stöð 2 Sport Erlent sem kostar 3.990 krónur á mánuði en einnig má kaupa útsendingar sem stakan viðburð á 990 krónur.
Fótbolti Meistaradeild Evrópu Mest lesið Fengið nóg af því að vera ruslakista fyrir viðbjóð frá fólki Körfubolti Syrgir fimmtán mánaða son sinn Sport Manchester-liðin og Aston Villa á móti því að eyðsluþak verði sett á Enski boltinn LeBron James gæti hafa spilað kveðjuleik sinn Körfubolti „Mo Salah sá sem að gekk of langt“ Enski boltinn Hundfúll og ýtti ungum KR-krökkum frá sér: „Ekki fallegt að sjá“ Íslenski boltinn Kelce framlengir og verður launahæsti innherji sögunnar Sport Fótboltafortíð fjölskyldunnar í sviðsljósinu í viðtali DR við Andra Lucas Fótbolti Valur sýndi Berglindi meiri áhuga en Breiðablik Íslenski boltinn Albert skoraði þegar Genoa gulltryggði sætið í efstu deild Fótbolti Fleiri fréttir Sjáðu ungar hetjur bjarga Fram og Stjörnunni Hundfúll og ýtti ungum KR-krökkum frá sér: „Ekki fallegt að sjá“ „Mo Salah sá sem að gekk of langt“ Valur sýndi Berglindi meiri áhuga en Breiðablik Fótboltafortíð fjölskyldunnar í sviðsljósinu í viðtali DR við Andra Lucas Manchester-liðin og Aston Villa á móti því að eyðsluþak verði sett á Lopetegui tekur við AC Milan Rúnar Páll: Við eigum þetta ekki skilið en svona er þetta „Við eigum að geta varist föstum leikatriðum“ Guðmundur Baldvin: Þrjú stig í hús á erfiðum velli og það er bara frábært Lewandowski með þrennu er Barcelona kom til baka gegn Valencia „Það er mikill efniviður í Fram“ Albert skoraði þegar Genoa gulltryggði sætið í efstu deild Uppgjör, viðtöl og myndir: Valur - Fram 1-1 | Ungir Framarar halda áfram að stela senunni Stefán Teitur skoraði í óvæntum sigri á Sverri Inga og félögum Uppgjör og viðtöl: Fylkir - Stjarnan 0-1 | Stjörnumenn stálu öllum stigunum Nær allir leikmenn Man Utd til sölu fyrir rétt verð Thiago Silva hættir hjá Chelsea en vonast til að synirnir spili þar áfram „Nú verður Edda brjáluð þegar ég hitti hana næst“ Mikil virðing fyrir Orra: Hárið stundum flækt en alltaf bros á vör Áfall fyrir Vestra: Eiður Aron brotinn og lengi frá Fyrstir í sautján ár til að vinna fjóra fyrstu leikina tvö ár í röð Tvær skráðar með sama númer á skýrslu og sú rétta fékk ekki markið Saman á ný eftir súrrealískan dag: „Við erum eins og lím við hvorn annan“ Sjáðu dramatíkina í fyrsta grasleiknum á KR-vellinum og öll hin mörkin Hrósar Alberti en Inter þarf að safna fyrir honum Þjálfari Orra Steins sáttur: Hann hefur haldið kjafti Hundraðasti sigur Arteta kom gegn erkifjendunum: „Stoltur af leikmönnunum“ Hetjan Orri Steinn eftir þrennuna: Besta tilfinning í heimi „Mér leið eins og ég væri í Keanu Reeves mynd“ Sjá meira