Sport

Hlynur Andrésson með nýtt Íslandsmet í maraþoni í fyrstu tilraun

Hjörtur Leó Guðjónsson skrifar
Hlynur Andrésson var skiljanlega þreyttur eftir hlaupið. 
Hlynur Andrésson var skiljanlega þreyttur eftir hlaupið. 

Vestmanneyingurinn Hlynur Andrésson hljóp sitt fyrsta heila maraþon á ferlinum í dag. Hlynur setti nýtt Íslandsmet þegar hann hljóp á 2 klukkustundum 13 mínútum og 37 sekúndum, en það er þrem mínútum og 35 sekúndum betri tími en gamla metið. 

Hlynur kom fimmti í mark í maraþonhlaupi í Dresden þegar hann bætti Íslandsmet Kára Steins Karlssonar um rúmar þrjár og hálfa mínútu, en met Kára var 2:17:12. 

Hlynur var að reyna við Ólympíulágmark, en Ólympíulágmarkið er 2:11:30, og því mátti ekki miklu muna að Hlynur næði að tryggja sér farseðilinn á Ólympíuleikana sem fara fram í Tokyo í sumar.

Þetta er aðeins í annað skiptið frá árinu 1986 sem maður nær að slá Íslandsmetið í maraþonhlaupi. Kári Steinn gerði það í Berlín 25. september 2011, en Sigurður Pétur Sigmundsson átti metið í þrjátíu ár þar á undan, frá 1981-2011.

Hægt er að sjá úrslit hlaupsins með því að smella hér.


Tengdar fréttir

Veður hefur sett strik í reikninginn hjá Hlyni Andréssyni sem sett hefur sér það stóra markmið að komast á Ólympíuleikana í Tókýó í sumar með sínu fyrsta maraþonhlaupi.

Setti nýtt Íslandsmet í dag

Hlynur Andrésson setti nýtt Íslandsmet í hálfu maraþoni er hann tók þátt á heimsmeistaramótinu í Gdynia í Póllandi í dag.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.