Tónlist

Tóku upp tón­listar­mynd­bandið á skjálfta­svæðinu

Stefán Árni Pálsson skrifar
Helgi Sæmundur og Gauti í eina sæng í nýju lagi.
Helgi Sæmundur og Gauti í eina sæng í nýju lagi.

„Það er góður dagur í dag. Við Helgi Sæmundur fórum tvisvar í sveitina á síðasta ári og úr varð falleg plata sem kemur einhvern tíma á þessu ári. Lagið Heim er fyrsti síngúll af komandi plötu sem við erum báðir mjög stoltir af og spenntir að leyfa fólki að heyra,“ segir Gauti Þeyr Másson.

Hann  frumsýnir í dag nýtt myndband við lagið Heim en lagið vann hann með Helga Sæmundi Guðmundssyni, oftast kenndur við rapptvíeykið Úlfur Úlfur.

Þeir hafa margoft unnið saman að allskonar verkefnum. Gauti segir að tónlistin sé svolítið ólík því sem þeir hafa látið frá sér hingað til en tilgangur þess að fara í bústað í Fljótunum til að vinna var akkúrat sá að mögulega næðu þeir að draga hvorn annan frá því sem þeir eru vanir og skapa eitthvað nýtt.

„Viku fyrir fyrsta stóra skjálftan tókum við upp tónlistarmyndband á svæðinu sem er nú líklegt að fyllast af hrauni á næstu dögum. Kenningar mínar og Helga eru að þetta lag sé það mikið fire að þegar við spiluðum þetta úr hátölurum í Krýsuvík hafi jörðin byrjað að dansa með.“

Tónlistarmyndbandi við lagið er leikstýrt af Ninna Pálmadóttir en hér að neðan má sjá myndbandið í heild sinni.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.