Arsenal hefndi fyrir tapið í bikarnum

Runólfur Trausti Þórhallsson skrifar
Arsenal hefur verið á skriði í deildinni að undanförnu.
Arsenal hefur verið á skriði í deildinni að undanförnu. EPA-EFE/Frank Augstein

Arsenal hefndi fyrir tapið gegn Southampton í FA-bikarnum með 3-1 sigri á sama liði í ensku úrvalsdeildinni í kvöld.

Leikurinn byrjaði með miklum látum en Stuart Armstrong kom heimamönnum í Southampton yfir strax á 3. mínútu eftir vel útfært fast leikatriði. James Ward-Prowse með stoðsendinguna.

Það tók gestina aðeins fimm mínútur að jafna metin en Nicolas Pepe skoraði þá með snyrtilegri afgreiðslu eftir sendingu Granit Xhaka. Bukayo Saka kom gestunum svo yfir undir lok fyrri hálfleiks eftir sendingu Alexandre Lacazette.

Staðan þar af leiðandi 2-1gestunum í vil í hálfleik. Aðeins var eitt mark skorað í síðari hálfleik, það gerði Lacazette á 72. mínútu eftir sendingu Saka.

Lokatölur 3-1 og Arsenal nú með 30 stig í 8. sæti deildarinnar. Southampton er hins vegar dottið niður í 11. sæti með 29 stig. Dýrlingarnir eiga þó leik til góða á Skytturnar og gætu því komist upp fyrir þá á nýjan leik takist þeim að vinna þann leik.

Bein lýsing

Leikirnir




    Velkomin á Vísi. Þessi vefur notar vafrakökur. Sjá nánar.