Posh berleggjuð á háum hælum í jólainnkaupum

Hún Victoria Beckham er alveg með stílinn á hreinu, og lætur desemberkulda í London ekki stöðva sig í að rölta um berleggjuð í minipilsi.

Kryddstúlkan stílhreina fór í verslunarleiðangur á Bond street í London í gær, íklædd örstuttum satínkjól og þunnri peysu yfir. Til þess að verja sig fyrir kuldanum var hún svo í svörtum leðurhönskum.

Jólakötturinn gæti enn klófest söngkonuna, sem gekk tómhent út úr Yves Saint Laurent verslun áður en hún fékk sér hádegismat á Nobu.

Posh fékk þó jólaglaðning af öðru tagi í vikunni. Húðlæknir stjarnanna, Dr Neetu Nirdosh, sendi snobbkryddinu úrval af vörum úr hrukkukremalínu sinni. Til þess að tryggja að Beckham fjölskyldan sylti ekki um jólin pakkaði hann herlegheitunum inn í kalkún.

,,Victoria er ekki tvítug lengur, og hún þarf að undirbúa húðina undir álagið sem fylgir alheimstónleikaferðalagi." sagði læknirinn við bresk dagblöð.