Systir Britney í uppnámi vegna óléttunnar

Jamie Lynn Spears litla systir Britneyjar á von á barni. Hún er aðeins sextán ára gömul en barnsfaðir hennar er kærasti hennar til nokkurra ára. Hún var í viðtali við Ok! Magazine þar sem hún sagði frá því að óléttan hefði verið mikið sjokk fyrir parið unga.

„Þetta var sjokk fyrir okkur bæði þar sem þetta var svo óvænt. Ég var í algjöru sjokki og hann líka. Ég get ekki sagt að þetta hafi verið eitthvað sem var á dagskránni hjá mér. Nú er þetta hinsvegar eitthvað sem ég verð að takast á við og ég hlakka til þess að verða besta mamma í heimi."