Ómáluð allsber með uppáhaldskaffið og nettengingu

Söngkonan Britney Spears, sem er þekkt fyrir að vera hrifin af ísköldum frappucino kaffibolla sem hún sækir iðulega í fylgd lífvarða á Starbucks veitingahúsið, hefur samþykkt að leika í sjónvarpsþættinum vinsæla Glee sem sýndur er á Stöð 2 á mánudagskvöldum.

Handritshöfundur þáttanna Ryan Murphy staðfesti í útvarpsviðtali hjá Ryan Seacrest að Britney mun mæta í tökur innan tíðar.

„Við tökum á móti Britney með silkimjúkum hönskum og pössum okkur að hugsa einstaklega vel um hana því við viljum að hún viti hvað við kunnum vel að meta framlag hennar til tónlistarsögunnar," sagði handritshöfundurinn.

Við gerðum könnun á Facebook síðunni okkar á meðal lesenda Lífsins og spurðum: Hvaða kaffihús er í uppáhaldi (og af hverju)?

„Heima. Þar er allt til alls. Get meira að segja verið ómáluð og allsber... nettenging... sófi... og langódýrast."

„Súfistinn þar fær maður góðan ,,bolla" eða öllu heldur ,,skál" af Latte."

„Kaffi Milano besta Swiss mocca sem til er."

„Kaffitár í Borgartúni."

„Kaffi París ... finnst svo notalegt að setjast þar niður og horfa á lífið."

„Bókhlaðan á Egilsstöðum kósý staður."

„Kaffitár í Kringlunni og eins kemur Borgartúnið sterkt inn."

„Te&Kaffi í Eymundsson á Akureyri, þar er besta kaffið sem er í boði hér á Akureyri."

„Heimakaffihúsið mitt. Þar geri ég alla þá kaffidrykki sem hugurinn girnist en bara miklu betri því kaffið sem ég nota er svo mikið gæða kaffi. Svo er kaffi latte bollinn bara að kosta mig 70 krónum með öllu. Ofsalega ljúffengt."

Við þökkum ykkur kærlega fyrir þátttökuna.

Facebooksíðan okkar. Við spáðum klukkan 09:00 í morgun fyrir heppnum lesendum Lífsins. Vertu með í fyrramálið.